АҚШ иммиграцион виза аризаларини кўриб чиқишни баъзи мамлакатлар учун қайта тиклади
Доналд Трамп маъмурияти иммиграцион виза аризаларини кўриб чиқишни қайта тиклади, бироқ фақат икки мамлакат - Венгрия ва Полшадан келган аризаларни қабул қилмоқда.
АҚШ айрим давлатлар учун иммиграцион виза аризаларини кўриб чиқишни қайта бошлади
Бошқа мамлакатлар бўйича иммиграцион виза суҳбатларига ёзилишнинг вақтинча тўхтатилиши эса амалда қолмоқда.
Нега АҚШ айнан Венгрия ва Полшани алоҳида кўрсатгани ҳозирча номаълум. Хусусан, Трамп Венгриянинг собиқ бош вазири Виктор Орбанни, шунингдек, Полшанинг амалдаги президенти Карол Навроцкини очиқ қўллаб-қувватлаган, унинг сайланиши эса бош вазир Доналд Тускнинг марказчилар ҳукумати билан зиддиятга сабаб бўлган эди.
2026-йил бошида АҚШ Давлат департаменти 75 мамлакат, жумладан, Ўзбекистон фуқаролари учун иммиграцион виза аризаларини кўриб чиқишни тўхтатишга қарор қилгани маълум бўлган эди. Идора консулларга АҚШда ижтимоий нафақа олишга уриниши мумкин бўлган шахсларга виза беришни рад этишни тавсия қилган. Давлат департаментининг ушбу қарори судга шикоят қилинган. Август ойида Ню-Ёрк штати федерал суди уни ноқонуний деб топиб, қарорни бекор қилган. Бироқ ой охирида Трамп маъмурияти консуллик ходимларини «чуқурлаштирилган ўқитиш»дан ўтказиш учун иммиграцион виза аризаларини кўриб чиқишни яна тўхтатиб қўйган эди.