АҚШ актрисаси Селма Блэр самолётда кузатувчиларга ҳужум қилгани айтилгач қўлга олинди
Блэрнинг публицисти Би-би-сига унинг Лос-Анжелесдан Нью-Йоркга учаётган Delta самолётидаги "тахмин қилинаётган хатти-ҳаракатларига тиббий фавқулодда ҳолат сабаб бўлганини" айтди.
АҚШ актрисаси Селма Блэр самолётда кузатувчиларга ҳужум қилгани айтилгач қўлга олинди
АҚШ актрисаси Селма Блэр якшанба куни Нью-Йоркга учаётган Delta Airlines самолётидаги ҳодисадан сўнг қўлга олинди ва шифохонага ётқизилди.
АҚШ актрисаси Селма Блэр расмийлар унинг самолётда икки нафар борт кузатувчисига ҳужум қилганини айтганидан сўнг қўлга олинди ва шифохонага олиб кетилди.
Аэропорт расмийларининг билдиришича, улар якшанба куни Лос-Анжелесдан Нью-Йоркга учаётган Delta Airlines самолётида "жисмоний зўравонлик қилган йўловчи" ҳақидаги чақирувга жавоб беришган. Нью-Йорк Порт бошқармаси икки нафар борт кузатувчиси жароҳат олгани ва улардан бири шифохонага олиб кетилганини маълум қилди.
"Легаллй Блонде", "Ҳеллбой" ва "Сруел Интентионс" фильмларидаги роллари билан танилган 54 ёшли актриса ҳибсга олинди ва шифохонага етказилди. ФҚБ суриштирув олиб бормоқда.
Блэрнинг публицисти ВВСга маълум қилишича, унда "тахмин қилинаётган хатти-ҳаракатга олиб келган тиббий фавқулодда ҳолат юз берган".
"Қўнганидан сўнг унга зудлик билан тиббий ёрдам кўрсатилди ва ҳозирда унинг аҳволи барқарор", деди унинг публицисти.
Delta Airlines вакилининг айтишича, рейс Нью-Йоркдаги Жон Кеннеди номидаги халқаро аэропортга келиб қўнганида ҳуқуқ-тартибот идоралари ходимлари етиб келишган ва бу ҳодиса парвоз жараёнига таъсир қилмаган.
"Delta Airlines учун тартибсиз ёки ноқонуний хатти-ҳаракатларга асло тоқат қилиб бўлмайди, чунки мижозларимиз ва экипажимиз хавфсизлиги ҳар доим биринчи ўринда туради", дейилади Delta Airlines компаниясининг BBCга берган баёнотида.