Америсан Аирлинес йўловчиси самолётда жанжал чиқаргани учун ўриндиққа скотч билан боғлаб қўйилди

Америсан Аирлинес йўловчиси самолётда жанжал кўтаргани учун ўриндиққа скотч билан маҳкам боғлаб қўйилди

АҚШда Далласдан Нюарк шаҳрига учаётган Америсан Аирлинес самолётида бир йўловчи борт кузатувчисини ҳақорат қилди ва бошқа одамларга ташланди. Шундан кейин у ушланиб, ўриндиққа скотч билан боғлаб қўйилди.

Маълумотларга кўра, эркак ўзини маст одамдек тутган. У бақирган, Исо пайғамбар ва дўзах ҳақида гапирган ҳамда борт кузатувчини ҳақорат қила бошлаган. Кейинроқ у ёнида ўтирган йўловчини урган ва можарога аралашмоқчи бўлган аёлни итариб юборган.

Шунда бир нечта йўловчи биргаликда уни ушлаб, эркакни скотч ва пластик боғичлар ёрдамида ўриндиққа қимирламайдиган қилиб боғлаб қўйган.

Самолёт йўналишини Балтиморга ўзгартиришга мажбур бўлган. У ерда эркакни полиция қўлга олган. Шундан сўнг самолёт Нюаркка парвозни давом эттирган.

Америсан Аирлинес безори йўловчи сабабли самолёт мажбурий қўнганини тасдиқлади. Компания бортдаги зўравонликка тоқат қилинмаслигини билдирди. Ҳозирда эркак тажовуз қилиш ва жамоат тартибини бузиш моддалари бўйича текширилмоқда.

Олмаота—Оқтов рейси йўловчиси юкида портловчи модда борлигига шама қилган. Текширувлар давомида ҳеч қандай тақиқланган буюм топилмаган, бироқ фуқарога нисбатан майда безорилик бўйича иш қўзғатилган.