АҚŞда сайловлар боşланди: Трамп «Мистер Вето»га айланадими?
Бензин қимматлаşган, Эрон билан уруş тугамаган, америкаликлар орасида президент Доналд Трампни қöллаб-қувватлаş энг қуйи даражага яқинлаşган. Şундай şароитда АҚŞда оралиқ сайловлар бöлиб öтмоқда.
АҚШда сайловлар бошланди: Трамп «Мистер Вето»га айланадими?
АҚШда бугун, 3-ноябр куни оралиқ сайловлар ўтказилмоқда. Улар президентлик муддатининг ўртасида ўтказилади ва кўпинча ҳокимият ишига баҳо сифатида қаралади.
Сайловда Вакиллар палатасининг барча 435 ўрни, Сенатнинг 100 ўриндан 35 таси ва 36 та штат губернатори сайланади.
Ҳозир Конгресснинг иккала палатасини ҳам республикачилар назорат қилмоқда. Вакиллар палатасида уларнинг 218 та, демократларнинг 214 та ўрни бор, битта депутат мустақил, икки ўрин эса бўш. Сенатда нисбат 53 га 47 — республикачилар олдинда, демократлар тарафида икки мустақил сенатор ҳам бор.
Кўпчиликка эга бўлиш учун демократларга Вакиллар палатасида 218 та, Сенатда эса 51 та ўрин керак.
Сенатда овозлар 50 га 50 бўлиб қолса, ҳал қилувчи овозни республикачи вице-президент Ж.Д. Венс беради.
Аммо тарих республикачилар фойдасига эмас. Реутерсънинг ёзишича, Иккинчи жаҳон урушидан бери ўтган оралиқ сайловларнинг иккитасидан бўшқасида президент партияси Конгрессда ўз мавқеини йўқотган. Дастлабки натижалар Тошкент вақти билан 4-ноябр тонгидан кела бошлайди.
Сўровномалар ва мустақил таҳлилчилар Вакиллар палатасида демократларни фаворит деб ҳисоблайди, Сенат учун кураш эса очиқ.
Реутерс/Ипсосънинг 2-ноябрда якунланган сўровида иштирокчиларнинг 46 фоизи Конгрессни демократлар, 38 фоизи республикачилар бошқаришини истаган. Бир ҳафта аввал бу фарқ 11 пункт эди.
Сайловчиларни энг кўп қийнаётган масала — қимматчилик.
Сўров иштирокчиларининг 78 фоизи учун яшаш нархининг қимматлашуви овоз беришда жуда муҳим ёки энг муҳим масала.