Аппле стол устидаги мушукни ҳайдай оладиган экранли уй роботини ишлаб чиқмоқда
Янги қурилма 2027-йилдаёқ тақдим этилиши мумкин.
Аппле стол устидаги мушукни ҳайдай оладиган экранли уй роботини яратмоқда
Тҳе Информатион нашри хабарига кўра, Аппле ўзининг биринчи уй роботини фаол равишда ишлаб чиқмоқда. Бу қурилма компания ўтган ой тақдим этган ҲомеВиев ақлли дисплейининг янада ривожланган талқини бўлади.
Компания ичида бу қурилма ҲомеВиев Ултра ёки ҲомеВиев Мах номи билан аталмоқда. Унинг прототипи айланувчи таянчга ўрнатилган 9 дюймли экран билан жиҳозланган. Ноодатий тузилиши сабабли дизайни халқ орасида “Жобс чироғи” деб аталган классик иМас Г4 компютерини эслатади. Бу ном, шунингдек, қурилманинг ташқи кўриниши Пихар мултфилмлари талисманига ўхшашлиги билан ҳам боғлиқ.
Янги қурилма хона ичида мустақил ҳаракатлана олади ва атроф-муҳит билан ўзаро алоқага киришади. Камера ва датчиклар ёрдамида у, масалан, хонага одам кирса чироқни ўзи ёқади ёки стол устига чиққан мушукни ҳайдайди. Ишлаб чиқувчилар робот атрофидаги буюмлар билан тасодифан тўқнашиб кетмаслиги учун унинг имкониятларини ҳам яхшиламоқда.
Қурилманинг техник пойдевори икки йил аввал ишлаб чиқилган. Бироқ жамоа ичидаги келишмовчиликлар сабабли унинг тақдимоти кечиктирилмоқда. Ишлаб чиқувчилар дастлабки версияга қайси функсияларни киритиш, қайсиларини эса кейинги авлодга қолдириш масаласида якдил қарорга кела олмаяпти.
Янги роботни 2027-йилда тахминан 1000 доллар нархда сотувга чиқариш режалаштирилган. Аммо унинг тақдимоти 2028-йилга ҳам сурилиши мумкин.
Аввалроқ Аппле ғилдиракли ёрдамчи робот, уй ичида уча оладиган дрон ва кийимларни тахлайдиган механизм каби бошқа робототехника лойиҳаларини ҳам кўриб чиққан эди. Ҳозирча уларнинг қачон ишлаб чиқарилиши ёки умуман тақдим этилиши номаълум.