Амитабҳ Баччан, Шоҳруҳ Хон ва телебошловчилик учун катта гонорар оладиган Болливуд юлдузлари (фото)
**Амитабҳ Баччан, Шоҳруҳ Хон ва телебошловчилик учун катта гонорар оладиган Болливуд юлдузлари (фото)**
Ҳиндистон телевидениеси сўнгги 10 йил ичида сезиларли даражада ўзгарди. Бунга асосий сабаб сифатида Болливудда машҳурликка эришган ижодкорларнинг шоуларга бошловчилик қилаётгани кўрсатилмоқда. Актёрлар бундай таклифларни мамнуният билан қабул қилишмоқда, чунки бу уларга яхши даромад олиш ва машҳурлик даражасини янада ошириш имконини беради. Бугун телебошловчилик фаолияти учун рекорд даражада ҳақ оладиган Болливуд актёрлари ҳақида сўз юритамиз.
**Салмон Хон (14 крор, тахминан 1 400 000 доллар)**
Салмон Хон Ҳиндистоннинг энг “қиммат” телебошловчиси ҳисобланади. Исталган филм ёки шоуни хитга айлантириш учун унинг машҳур номининг ўзи етарли бўлади. Шу сабабли телешоу муаллифлари актёр сўраган суммани тўлашга тайёр бўлишади. Ижодкор “Катта босс” шоусидаги иштироки учун 11 крор олган. Бу йил эса мазкур шоунинг ҳар бир эпизоди учун унга 14 крордан ҳақ тўланмоқда. “Катта босс”нинг машҳурликка эришишида Салмон Хон асосий рол ўйнаган. Унинг шоудаги иштироки мухлислар учун доимо қизиқарли бўлиб келган. Актёр шоудаги низоларни маҳорат билан бартараф этади, рақибларга қимматли маслаҳатлар беради ва дам олиш кунлари иштирокчиларнинг номақбул хатти-ҳаракатларини бирма-бир санаб чиқади.
**Амитабҳ Баччан (5 крор, тахминан 500 000 доллар)**
Ҳиндистонликлар севиб томоша қиладиган энг машҳур шоулардан бири — Каун Банега Крорепати — Сонй ТВ орқали эфирга узатилади ва унинг оммалашишига катта ҳисса қўшган инсон Амитабҳ Баччан ҳисобланади. Актёрнинг саъй-ҳаракатлари туфайли шоу мамлакатда катта машҳурликка эришган. Ижодкор оддий одамлар билан мулоқот қилиб, уларни беихтиёр шоуда қатнашишга ундайди. Амитабҳ Баччан шоунинг ҳар бир эпизоди учун 5 крордан ҳақ олади. Айтишларича, мазкур шоунинг машҳурлигини бошқа ҳеч ким жаноб Баччан каби юқори даражада “ушлаб туролмайди”.
**Шоҳруҳ Хон (3 крор, тахминан 300 000 доллар)**
Болливуд қироли шу кунгача кўплаб йирик телевизион шоуларга бошловчилик қилган. Улар орасида Паанчви Пасс Се Теж Ҳаи, Каун, Банега Срорепати, Зор Ка Жҳатка каби машҳур лойиҳалар бор. Бироқ актёр бошловчилик фаолияти учун энг катта гонорарни ўтган йили Тед Талкс Индиа шоусидаги иштироки эвазига олган. Ижодкорга ҳар бир эпизод учун 3 крордан ҳақ тўланган.
**Амир Хон (3 крор, тахминан 300 000 доллар)**
Амир Хон томонидан асос солинган Сатямев Жаяте ток-шоуси телевидениедаги ҳақиқий воқеаларни оммага намойиш этиш ва жамиятдаги зўравонликка қарши кураш мавзусини ёритиш билан шуғулланади. Маълумотларга кўра, Амир Хон шоунинг ҳар бир эпизоди учун 3 крордан ҳақ олган ва уни хит даражасига кўтарган.
**Акшай Кумар (1.5 крор, тахминан 150 000 доллар)**
Мухлислар Акшай Кумарни экран орқали телебошловчи сифатида кўрмаганларига анча бўлди. У ижодий фаолияти давомида Мастер Чиеф Индиа, Ҳатрон Ке Ҳилади шоуларига бошловчилик қилган. Ижодкор ушбу шоу дастурларининг ҳар бир эпизоди учун 1.5 крордан ҳақ олгани маълум. Афсуски, Акшай Ҳиндистоннинг энг машҳур актёрларидан бири бўлишига қарамай, ушбу дастурлар хит даражасигача кўтарилмаган.