Америкалик блогер Рапунзел минорасини ясаб, соч ўрими ёрдамида болаларга ширинликлар улашди (видео)

Америкалик блогер Рапунзел минорасини ясаб, соч ўрими ёрдамида болаларга ширинликлар улашди (видео)

Америкалик блогер Микара Тюерс болаларга ширинлик тарқатиш мақсадида Ҳеллоуин байрами учун Дисней мултфилмида кўринган Рапунзелнинг либоси ва минорасини тайёрлади. У узун соч ўримига саватчани боғлаб туширган ҳолда ширинликлар улашди. Қиз тайёргарлик жараёнини ўзининг ижтимоий тармоқларида мунтазам эълон қилиб борди.

Маликага турмуш ўртоғи, ҳайкалтарош Ден Чудзински ёрдам берди — у Флин Райдер либосини кийиб олди. Яна бир аёл Готел она ролини ижро этди, бироқ блогер унинг исмини ошкор қилмади.

Блогер миноранинг олд қисмини қурилиш пенопластидан тайёрлаб, уни уйининг кириш қисмига маҳкамлади. Малика қиёфасини яратиш учун қиз сунъий гуллар билан безатилган парикдан фойдаланди. Ширинликларни эса чироқлар билан безатилган соч ўримига боғланган саватчада пастга тушириб турди.

Огаё штатининг Финдли шаҳрида яшовчи Микара Тюерс — мураккаб ва ноодатий костюмлар, жумладан, Дисней маликалари кўйлакларини яратиши билан танилган ҳаваскор дизайнер.