«Америка мудофаага тайёрланмаган». АҚШ базаларидаги Эрон зарбалари оқибатлари акс этган суратлар эълон қилинди
Бу суратлар Пентагон назорат органи ўз ҳисоботида Американинг Яқин Шарқдаги базаларида юзлаб бино ва иншоотлар Эрон зарбалари оқибатида шикастлангани ва вайрон бўлганини маълум қилиши ортидан эълон қилинди.
«Америка мудофаага тайёрланмаган». АҚШ базаларига Эрон зарбалари оқибатларини акс эттирган суратлар эълон қилинди
Америкадаги СБС телекомпанияси Эрон зарбаларидан сўнг АҚШнинг Яқин Шарқдаги бир қатор обьектларида юзага келган вайронгарчилик миқёсини кўрсатадиган кадрларни қўлга киритди.
Ҳарбий хизматчилар тақдим этган фотосуратларда иккига бўлиниб кетган радар самолёти, ер билан битта бўлиб кетган трейлерлар ва жиддий шикастланган бино кўринади.
Санаси кўрсатилмаган бу фотосуратлар АҚШнинг Саудия Арабистони ва Кувайтдаги базалари ҳамда обьектларида олинган.
Ҳарбий хизматчилардан бири телеканалга аноним тарзда шундай деган: «Бу базаларимизга етказилган жиддий шикастланишлар ва бу ҳақда Америка жамоатчилигига маълум қилинмаган. Биз у ерда [худдики] кўзларимизни юмиб турганмиз ва юзимизга зарбалар қабул қилиб олганмиз».
Саудия Арабистонидаги «Шаҳзода Султон» авиабазасида олинган суратда Боеинг Э-3 Сентрй самолёти иккига бўлиниб кетгани, унинг дум қисми ғижимланиб, пачоқлангани кўринади.
Фотосуратларда сана бўлмаса-да, шу йил мартида худди шундай самолёт зарбага учраб, йўқ қилингани тасдиқланганди.
Боеинг Э-3 АВАСС эрта огоҳлантириш самолётлари узоқ масофадаги эҳтимолий нишонларни аниқлаш ва кузатиш учун ишлатилади.
Ўшанда АҚШ расмийси Реутерс агентлигига Эроннинг авиабазага уюштирган ҳужуми оқибатида 12 нафар америкалик аскар яралангани, улардан икки нафарининг аҳволи оғир эканини билдирганди.
Кувайтдаги «Бюринг» базасида олингани тахмин қилинаётган, санаси ҳам кўрсатилмаган иккита суратда эса вайрон қилинган трейлерлар ҳамда чодирга ўхшаш, том қисми илма-тешик бўлиб кетган ва тутун ичида қолган иншоот акс этган.