Amazon янги 107 миллион фунт стерлинглик тарқатиш марказини очади
Ушбу обект Европадаги ўз туридаги энг йирик тарқатш маркази бўлиб, унда 1 400 тагача иш ўрни яратилиши мумкин.
Amazon янги 107 млн фунт стерлинглик тарқатиш марказини ишга туширди
Компания янги объект Питерборода 1 400 та иш ўрни яратишини маълум қилди
Онлайн чакана савдо гиганти Amazon Питерборода янги 107 млн фунт стерлинглик тарқатиш марказини очди, бу шаҳарда 1 400 та иш ўрни яратиши кутилмоқда.
Флаксли-роуддаги бино компания томонидан 2010 йилда очилган ва ҳозирда 1 000 дан ортиқ ходим ишлайдиган мавжуд объектнинг ёнгинасида жойлашган.
Майдони 690 000 квадрат футни ташкил этувчи объект компаниянинг 2025-27 йилларга мўлжалланган 40 млрд фунт стерлинглик Буюк Британияга инвестиция режасининг бир қисмидир ва ундан ҳафтасига беш миллионгача маҳсулот жўнатилиши кутилмоқда.
Амазон'нинг объект раҳбари Томислав Батинич шундай деди: "Ушбу объект логистика операцияларимизнинг бир қисмини қандай бошқаришимизни тўлиқ янгича талқин қилишдир ва Amazon учун тарихий лаҳзадир. У Буюк Британияда ўз туридаги биринчиси ва Европадаги энг йириги ҳисобланади".
Янги марказдан ҳеч нарса бевосита мижозларга жўнатилмайди.
Бунинг ўрнига, унда уй ҳайвонлари озуқаси ва ҳожатхона қоғози каби рўзғор учун энг зарур буюмлар каби мижозлар энг теш-теш сотиб оладиган маҳсулотлар сақланади ва мамлакат бўйлаб 20 га яқин буюртмаларни бажариш марказларига етказилади, у ерда улар етказиб бериш учун мижоз буюртмасининг қолган қисми билан бирлаштирилади.
Бу Амазон'нинг Буюк Британиядаги "ишлов бериш босқичларини" қисқартириш ва етказиб беришни тезлаштиришга қаратилган ягона тарқатиш марказларидан (One Distribution Centres) биринчисидир.
У энг юқори юклама пайтида 16 миллион маҳсулотни сақлаш қувватига эга бўлиб, компаниянинг таъкидлашича, бу бошқа объектларга нисбатан тахминан икки баравар кўпдир.
Янги объект илгари Amazon'нинг энг тиғиз мавсумида қўшимча қувват сифатида фойдаланилган ва эндиликда доимий объект сифатида жиҳозланган