Актёр Меттю Макконаҳи илк роли қандай қилиб серияли қотилнинг қўлга олинишига ёрдам бергани ҳақида гапириб берди

Меттю Макконахи ўзининг биринчи роли қандай қилиб серияли қотилнинг қўлга олинишига ёрдам бергани ҳақида сўзлаб берди.

Голливуд актёри Меттю Макконахи ўзининг экрандаги илк роли 14 йил давомида суддан яшириниб юрган қотилни қўлга олишга қандай ёрдам берганини ошкор қилди. Актёр бу воқеани Литл-Рокдаги фестивалда режиссёр Жефф Николс билан суҳбатда эслади.

1992-йилда Макконахи Американинг “Очилмаган сирлар” кўрсатувида иштирок этиб, унда реал ҳаётда яшаган собиқ денгиз пиёдаси Ларри Диккенс образини гавдалантирган эди. Диккенс 1978-йилда қўшни болаларни экзгибиционистдан ҳимоя қилишга уриниб, ҳалок бўлган. У жиноятчидан машина калитларини тортиб олган, шундан сўнг қотил қуролини чиқариб, уни отиб ташлаган.

Қотилнинг исми Эдвард Ҳаролд Белл эди. Воқеадан кейин у 14 йил давомида эркинликда юрган. Бироқ Макконахи иштирок этган кўрсатув эфирга узатилгач, томошабинлар воқеалар занжири орқали жиноятчини таниб қолишган ва бу ҳақда ҳуқуқ-тартибот идораларига хабар беришган. Белл Панама Ситида қўлга олиниб, 70 йиллик қамоқ жазосига ҳукм қилинган. У яна 11 та қотилликка қўл урганини тан олган бўлса-да, фақатгина Диккенснинг ўлими учун судланган. Белл 2019-йилда Техас қамоқхонасида 79 ёшида вафот этган.