АИСТ Счоол: 900 ўқувчига мўлжалланган янги мактаб иш бошлади
Очилиш маросимида меҳмонларга таълим муассасаси инфратузилмаси, замонавий синфхоналари ва ўқувчилар учун яратилган шароитлар намойиш этилди. Шунингдек, миллий ўқув дастури билан бир қаторда халқаро ёндашувлардан фойдаланиш, ўқувчиларнинг академик билими, замонавий касбий ва ҳаётий кўникмаларини ривожлантиришга эътибор қаратилиши маълум қилинди.
**АИСТ Счоол: 900 ўқувчига мўлжалланган янги мактаб фаолият бошлади**
Очилиш тадбирида меҳмонларга таълим муассасасининг инфратузилмаси, замонавий синфхоналари ҳамда ўқувчилар учун яратилган шароитлар таништирилди. Шунингдек, миллий ўқув дастури билан бирга халқаро ёндашувлардан фойдаланилиши, ўқувчиларнинг академик билимлари, замонавий касбий ва ҳаётий кўникмаларини ривожлантиришга алоҳида эътибор қаратилиши билдирилди.
Аҳмад Интернатионал Счоол Ташкент (АИСТ)да ўқув жараёни миллий дастур ва халқаро таълим ёндашувлари асосида йўлга қўйилган. Ўқувчилар математика, физика, кимё, биология каби анъанавий фанлардан ташқари робототехника, сунъий интеллект, ИТ ва СТЕАМ йўналишларини ҳам ўрганиш имконига эга.
Мактабда айрим табиий фанлар, жумладан, кимё, биология, физика ҳамда математиканинг инглиз тилида ўқитилишига алоҳида урғу берилган. Бундан ташқари, юқори синф ўқувчиларини халқаро имтиҳонларга тайёрлаш, хусусан, ИЕЛЦ ва САТ натижаларига эришиш ҳамда университетга кириш жараёнида керак бўладиган портфолио шакллантириш йўналишларини йўлга қўйиш ҳам режалаштирилган.
Муассаса маъмурияти таълим жараёнига халқаро сертификатларга эга мутахассислар жалб қилинганини таъкидламоқда. Улар орасида Канададан келган, математика фанини САТ, ИБ ва Самбридге тизимлари асосида ўқитиш тажрибасига эга педагоглар ҳам бор.
АИСТ Счоол 15 минг квадрат метр ҳудудда жойлашган бўлиб, 900 нафар ўқувчига мўлжалланган. Таълим муассасасида ўқув хоналари билан бирга спорт зали ва футбол майдонлари ҳам мавжуд. Мактаб ҳудудида хавфсизлик тизими сутка давомида 24/7 режимида ишлаши кўзда тутилган.
Таълим олиш нархи ойига 4,8 млн сўм этиб белгиланган. Шартнома тузилгандан сўнг ушбу тўлов миқдори икки йил давомида ўзгармаслиги маълум қилинган.
Ҳозирда мактабга 1–9-синфлар учун қабул очиқ. Қабул жараёни декабр ойигача давом этиши режалаштирилган.