Аичи-Нагоя-2026: Владимир Свечников – Осиё ўйинлари чемпиони

Аичи-Нагоя-2026: Владимир Свечников – Осиё ўйинлари чемпиони

Ўзбекистоннинг яна бир спортчиси Осиё ўйинларида олтин медалга сазовор бўлди. Ўқ отиш мусобақаларининг пневматик тўппончадан 10 метр масофадан отиш дастурида иштирок этган Владимир Свечников барча рақибларидан устун натижа кўрсатди.

Бу ўқ отиш турлари бўйича Осиё ўйинларида 32 йиллик танаффусдан сўнг қўлга киритилган олтин медал бўлди. Яна бир муҳим жиҳати шундаки, Свечников 244,3 очко билан Осиё ўйинлари рекордини ҳам янгилади.

Осиё ўйинларида ўзбекистонлик спортчилар қўлга киритган медаллар сони 20 тага етди: 4 та олтин, 9 та кумуш, 7 та бронза.

Ҳозирча мусобақа жадвалида Ўзбекистон делегацияси 7-ўринни эгаллаб турибди.