Агар ёшим 25 дан кичик бўлса, Бюджет менга қандай таъсир қилади: 5 та ҳолат

Агар 25 ёшдан кичик бўлсангиз, Бюджет сизга таъсир кўрсатадиган бешта ҳолат

Ҳукуматнинг солиқлар ва харажатлар бўйича қарорлари кундалик ҳаётдан йироқдек туюлиши мумкин, аммо Бюджет чора-тадбирларининг кўпчилиги сизга ва молиявий аҳволингизга бевосита таъсир қилади.

Агар сиз 25 ёшдан кичик бўлсангиз, Бюджет сизга таъсир кўрсатадиган бешта ҳолат қуйида келтирилади.

Агар сиз 18 ёшдан 20 ёшгача бўлган ва энг кам иш ҳақи оладиган ходим бўлсангиз, келгуси йилнинг апрель ойидан бошлаб маошингиз 3,9% га ошади.

Шундай бўлса-да, бу ўсиш сиз кутганингиздан камроқ бўлиши мумкин. Бунинг сабаби, Ҳили ўз лейборист ўтмишдоши Рэйчел Ривз томонидан ёшлар учун энг кам иш ҳақини ошириб келиш йўналишини ўзгартирганидир.

Лейбористлар "камситувчи ёш тоифалари"ни бекор қилишга ваъда беришган эди, бу эса 18 ёшдан ошган ҳамма учун энг кам иш ҳақини тенглаштирган бўлар эди. Бу йил 18 ёшдан 20 ёшгача бўлганлар ёши каттароқ ходимлар билан бир хил миқдорда маош ошишига эга бўладилар, шунинг учун фарқ сақланиб қолади. Бу шуни англатадики, 18 ёшдан 20 ёшгача бўлганларнинг маоши 11,27 фунт стерлинггача ошиши кутилаётган бўлса, 20 ёшдан ошганлар соатига камида 13,21 фунт стерлинг олишади.

Эътиборлиси, бу ўсиш, шунингдек, иқтисодчи Бен Заранконинг сўзларига кўра, энг кам иш ҳақи эвазига тўлиқ ставкада ишлайдиган ва 2023 йилдан кейин талабалик заёмини олган 21 ёшли шахснинг даромади қайтаришнинг 25 000 фунт стерлинглик чегарасига етишини англатади, бундан юқори даромаддан улар даромадларининг 9 фоизини қайтаришни бошлайдилар.

Бюджет, шунингдек, одамларга уй-жой сотиб олишда ёрдам бериш чора-тадбирларини, жумладан, "Биринчи марта уй сотиб олувчилар учун Isa" (First Time Buyer Isa) дастурини ишга туширишни ўз ичига олди. Ушбу ҳисоб вамонатчиларга бошланғич тўловни йиғиш имконини беради ва ҳукумат йилига 4 000 фунт стерлинггача бўлган бадаллага 25% бонус қўшиб беради.

Янги жамғарма ҳисоби 2029 йилда бошланади ва амлаги Lifetime Isa ўрнини эгаллайди, бу ҳисоб 450 000 фунт стерлинглик лимитдан қимматроқ уй сотиб олаётган одамларга оғир жарималар солишда айримлар томонидан танқид қилинган эди.

Чегара сақланиб қолади, аммо янги "Биринчи марта уй сотиб олувчилар учун Isa" амонатчилар маблағларни ечиб олганда ўз пулларини йўқотиб, жаримага тортилмасликларини таъминлайди. Мавжуд Lifetime Isa'лардан пул ечиб олишдаги жарима ҳам амонатчиларнинг жазоланиши ҳақидаги хавотирларни бартараф этиш учун камайтирилади.

Ҳукумат Англияда биринчи марта уй сотиб олувчилар учун Your First Home деб номланган 4,7 миллиард фунт стерлинглик дастурни эълон қилган эди. Унинг мақсади 70 000 нафар жисмоний шахс ва эр-хотинларга уй-жой сотиб олишда ёрдам беришдир.

Дастур одамларга 2,5% бошланғич тўлов билан янги қурилган уй сотиб олиш имконини беради. У харид қилишда ёрдам бериш учун мулк қийматининг 20% миқдорида заём беради.

Лондондан ташқарида 110 000 фунт стерлинг ва пойтахтда 140 000 фунт стерлинг қилиб белгиланган бу дастур "ота-она банки" ёрдамисиз уй-жой сотиб олишга умид қилаётганлар учун мўлжалланган.

Агар сиз иш билан банд бўлмаган, таълим олмаётган ёки касбий тайёргарликдан ўтмаётган (Neet) бир миллиондан ортиқ 18 ёшдан 24 ёшгача бўлган ёшлардан бири бўлсангиз, чоршанба кунги Бюджетни томоша қилиш ҳафсалангизни пир қилган бўлиши мумкин.

Казначейлик канцлери ёшлар дуч келаётган инқирознинг жиддийлигини тан олди, аммо ечимлар ҳали тайёр эмаслигини айтди. Вазирлар Буюк Британияда нима учун шунча кўп ёшлар Neet мақомида эканини ўрганаётган Алан Милберндан бир қатор тавсияларни кутишмоқда.

Милберн инқироз сабабли Британия "йўқотилган авлод хавфи остида" эканидан огоҳлантирди ва оддий ечим эмас, балки "ўқлар тўплами" зарурлигини айтди. У шу йил охирида ҳукуматга ўз тавсияларини тақдим этади.

Кутиб қолган яна бир гуруҳ талабалик заёмлари бўйича қарздорлиги бўлганлар, айниқса 2012 ва 2023 йиллар оралиғида олинган мунозарали Plan 2 заёмлари эгалари бўлди - кўпчилик бу қарзни ҳеч қачон уза олмасликдан қўрқмоқда.

Агар сизда талабалик заёмлари бўлса, ҳукумат тўлов тизимини ислоҳ қилиш йўлларини кўриб чиқаётганини айтди. Аммо, муаммо ҳал қилиниши кутилганига қарамай, Бюджетда ҳеч қандай чора эълон қилинмади.

Баёнотдан сўнг, Ғазначилик бош котиби Эмма Рейнольдс заёмни қайтариш тизими "кўриб чиқилаётганини" айтди.

"Биз ёшлар учун мураккаб ва адолатсиз тизимни мерос қилиб олдик, аммо бугун бу бўйича қарор қабул қила олмадик", деди у BBC'га.

Агар сиз Англияда бизнес бошлашга умид қилаётган ёш бўлсангиз, Бюджет хушхабар келтирди.

Канцлер кучли ғояларга эга, аммо бошқалар каби оилавий молиявий ёрдамга эга бўлмаслиги мумкин бўлган ёш тадбиркорлар учун тенг шароитларни яратмоқчи.

Кўпроқ ёшларни ўз бизнесини бошлашга ундаш учун ҳукумат Англияда "Ёш тадбиркорлар нафақаси"ни синовдан ўтказади.

Нафақа бизнесингиз фаолият юритаётган биринчи йилда яшаш харажатларингиз ҳукумат томонидан қисман қопланишини англатади. Ҳили бу кўпроқ ёшларни таваккал қилишга ва тадбиркор бўлишга ундайди, деб умид қилмоқда.

Ҳозирча дастур тафсилотлари чекланган, фақат у "яқин орада" жорий этилиши айтилган.