Афғонистон Ўзбекистондан мағлубиятга учраганидан кейин кўкпар бўйича турнирни тарк этди
Афғонистон Ўзбекистондан мағлубиятга учраганидан кейин кўкпар турнирини тарк этди
Афғонистон терма жамоаси Қирғизистонда ўтаётган VI Бутунжаҳон кўчманчилар ўйинларида кўкпар турниридаги иштирокини давом эттирмасликка қарор қилди. Жамоа бундай қарорни Ўзбекистондан учралган 1:4 ҳисобидаги илк мағлубиятдан кейин қабул қилди, бунда мусобақани тарк этиш сабаби сифатида отлар билан боғлиқ муаммолар кўрсатилди.
Афғонистон Бузкаши федерацияси раҳбари Ғулом Сарвар Жалолнинг маълум қилишича, жамоа Монголияга қарши навбатдаги ўйинга чиқишга тайёр эди, бироқ ташкилотчилар чавандозларга мос отларни етказиб бера олишмаган. Афғонлар ўйиндан бош тортишди, уларга 0:3 ҳисобида техник мағлубият ёзилди, шундан сўнг терма жамоа турнирдаги иштирокини якунлади.
VI Бутунжаҳон кўчманчилар ўйинлари Қирғизистонда 31 августдан 6 сентябргача бўлиб ўтмоқда. Дастурга ўнлаб анъанавий спорт турлари киритилган бўлиб, кўкпар бўйича мусобақалар Чўлпон-Отада ўтказилмоқда.