Шавкат Мирзиёев Бутунжаҳон кўчманчилар ўйинларининг очилиш маросимида иштирок этди (фото)
“Бишкек-Арена” стадионида бўлиб ўтган тадбирда ШҲТ давлатлари раҳбарлари ва бошқа меҳмонлар иштирок этди
Шавкат Мирзиёев Жаҳон кўчманчилар ўйинларининг очилиш маросимида қатнашди (фото)
Ўзбекистон Республикаси Президенти Шавкат Мирзиёев Бишкек шаҳрига ташрифи давомида ВИ Бутунжаҳон кўчманчилар ўйинларининг тантанали очилиш маросимида иштирок этди.
"Бишкек-Арена" стадионида бўлиб ўтган ушбу тадбирда ШҲТ давлат раҳбарлари ва бошқа фахрий меҳмонлар ҳам қатнашдилар.
Мусобақаларда 90 дан ортиқ мамлакатдан 3 мингдан зиёд спортчи, жумладан, Ўзбекистондан 141 нафар вакил иштирок этмоқда. Ҳамюртларимиз 30 та спорт тури, хусусан, кураш, самбо, армрестлинг, камондан ўқ отиш ва от спорти бўйича беллашадилар.
Иштирокчиларга кўчманчи халқларнинг бой маданияти ва тарихи, анъаналари ҳамда урф-одатларига бағишланган театрлаштирилган саҳна кўриниши намойиш этилди.