9 ёшли блогер отасидан яширинча 118 минг долларни реклама учун сарфлаб юборди

9 ёшли блогер отасидан яширинча реклама учун 118 минг доллар сарфлади

АҚШда 9 ёшли бола ўзининг ЁуТубе каналидаги Минесрафт ва Роблох ҳақидаги видеоларини реклама қилиш учун 118 минг доллар сарфлагани маълум бўлди. Бу ҳақда унинг отаси янги видеосида айтиб берди.

Майк исмли мактаб ўқувчиси компютер ўйинларини ўйнаётгани акс этган видеоларни суратга олади. Унинг Мигҳтй Мике Плайс каналида 35 мингдан ортиқ обуначи бор.

15-сентабр куни каналда навбатдаги видео эълон қилинди. Унда ҳам ўйин жараёни кўрсатилди, бироқ бу сафар Майкнинг ўрнига унинг отаси Дейв овоз берди. У ўғли ўзидан яширинча қиммат реклама кампанияларини олиб борганини айтди. Изоҳларда кўпчилик болага ота-онаси бундан хабар топишини ва бундай ишни тўхтатиши кераклигини ёзган.

“У 9 ёшда. Техникани анча яхши тушунади. Шунинг учун биз шунчаки видеоўйин ўйнаб, уларни ЁуТубеъга жойлаштириб, кўнгилхушлик қиляпти, деб ўйлардик”, деди Дейв.

Яширин молиявий операциялар эса кутилмаганда фош бўлган. Дейвни ишхонада корпоратив менежер ва молия бўлими ходимлари суҳбатга чақирган. Ўша ерда у компания томонидан берилган картасидан 100 минг доллардан ортиқ маблағ сарфланганини билган. Транзаксияларни кўргач, Дейв пуллар қаерга кетганини тушунган.

Отанинг айтишича, ўғлининг блогерлик фаолияти эндигина бошланган, видеолари атиги беш марта кўрилган пайтда уни қўллаб-қувватлашга қарор қилган. Дейв ўшанда 20 долларлик кичик реклама кампаниясини ташкил қилиб берган. Майк реклама қандай ишлашини ўрганиб олгач, кейинчалик бу воситалардан мустақил фойдалана бошлаган. У пулларни Гоогле аккаунтига уланган отасининг корпоратив картасидан ишлатган.

Дейв ўғли молиявий имкониятларга чекловсиз кириш ҳуқуқини бергани учун масъулиятни ўз зиммасига олишини айтди.

Ҳозир оила сақланган тўлов маълумотларини ўчириб ташлаш, харажатларга лимит ўрнатиш ва ота-она назоратини йўлга қўйишни режалаштирмоқда. Оиладаги масалалар ҳал қилинмагунча, ЁуТубе каналидаги фаолият ҳам вақтинча тўхтатилади.