2026-йилда иşсизлик энг юқори бöлиşи кутилаётган давлатлар маълум бöлди
2026-йил уçун прогнозларга кöра, Суданда иşсизлик 59,5 фоиз, Жанубий Африка Республикасида эса 33,2 фоизни таşкил этиşи кутилмоқда. Улар 103 мамлакатни қамраб олган иşсизлик харитасида энг юқори кöрсаткиçларга эга. Таиланд, Вьетнам, Япония ва Россияда эса расмий иşсизлик даражаси нисбатан паст бöлиşи прогноз қилинган.
2026-йилда ишсизлик энг юқори бўлиши кутилаётган давлатлар маълум бўлди.
Унда 103 мамлакатнинг 2026-йил учун прогноз кўрсаткичлари келтирилган. Мамлакатлар ўртасидаги катта тафовутлар иқтисодий ўсиш суръатлари, демографик вазият ва миллий меҳнат бозорларининг хусусиятлари билан боғлиқ.
Харитага киритилган давлатлар орасида энг юқори ишсизлик Суданда кутилмоқда — 59,5 фоиз. Таҳлилда бу кўрсаткич мамлакатда узоқ давом этаётган можаронинг иқтисодиётга етказган оғир зарари билан изоҳланган.
Иккинчи ўринда Жанубий Африка Республикаси турибди. Бу ерда ишсизлик 33,2 фоизни ташкил этиши прогноз қилинган. Меҳнат бозоридаги узоқ йиллик тузилмавий муаммолар миллионлаб одамларнинг иш топишига тўсқинлик қилмоқда.
Ишсизлик муаммоси иқтисодий жиҳатдан ривожланган мамлакатларда ҳам сезиларли. Айниқса, Европа давлатлари ўртасидаги фарқлар катта.
Масалан, Финландияда 2026-йил учун ишсизлик даражаси 10,2 фоиз деб прогноз қилинган. Полшада эса бу кўрсаткич 3,2 фоиз бўлиши кутилмоқда. Демак, Финландиядаги ишсизлик даражаси Полшаникидан уч баробардан ҳам юқори.
Финландия меҳнат бозорига ички талабнинг сустлиги ва қурилиш соҳасидаги узоққа чўзилган пасайиш таъсир қилмоқда. Бу омиллар корхоналарнинг янги ходимларни ишга қабул қилиш имкониятларини чекламоқда.
Франсияда ишсизлик 8,4 фоиз, Германияда эса 4 фоиз бўлиши прогноз қилинган. Франсиянинг кўрсаткичи Германияникидан икки баробардан зиёд юқори. Айни вақтда Германия саноатида ҳам қийинчиликлар сақланиб қолмоқда.
АҚШ меҳнат бозорида эса бошқача ҳолат кузатилмоқда. Мамлакатда ҳам янги ходимларни ишга олиш, ҳам ишдан бўшатиш фаоллиги паст.
Шу сабабли оммавий қисқартиришлар кузатилмаётган бўлса-да, янги иш топиш тобора қийинлашмоқда. Яъни ишлаётганлар ўз ўрнини сақлаб қолаётган бир пайтда, иш қидираётганлар учун имкониятлар чекланмоқда.
Таиланд, Вьетнам, Япония ва Россия расмий ишсизлик даражаси паст мамлакатлар қаторида келтирилган. Хитой ва Ҳиндистонда ҳам умумий кўрсаткичлар нисбатан паст.