17 ёшли Муниса Одилова оғир атлетика бўйича Ўзбекистоннинг иккита рекордини ўрнатди
Қаршилик ёш спортчи Муниса Одилова оғир атлетика бўйича Ўзбекистон кубогида 20 ёшгача бўлган спортчилар ўртасида икки бор миллий рекордни янгилади. У силтаб кўтаришда ва икки кураш натижасига кўра рекордларни ўрнатди. Тошкентда оғир атлетика бўйича катталар ва 20 ёшгача бўлган спортчилар ўртасида Ўзбекистон кубоги бошланди. Мусобақанинг илк кунида қаршилик 17 ёшли Муниса Одилова […]
17 ёшли Муниса Одилова оғир атлетика бўйича Ўзбекистоннинг иккита рекордини ўрнатди
Қаршилик ёш спортчи Муниса Одилова оғир атлетика бўйича Ўзбекистон кубогида 20 ёшгача бўлган спортчилар ўртасида икки бор миллий рекордни янгилади. У силтаб кўтариш ва икки кураш йиғиндиси бўйича рекордларни ўрнатди.
Тошкентда оғир атлетика бўйича катталар ва 20 ёшгача бўлган спортчилар ўртасида Ўзбекистон кубоги бошланди.
Турнирнинг илк кунида қаршилик 17 ёшли Муниса Одилова 49 кг гача бўлган вазн тоифасида иштирок этиб, ўз ёш тоифасидаги спортчилар орасида энг яхши натижани кўрсатди.
У «силтаб кўтариш» машқида 92 кг тошни кўтариб, 20 ёшгача бўлган спортчилар ўртасида Ўзбекистоннинг янги рекордини ўрнатди.
Даст кўтариш ва силтаб кўтариш машқлари йиғиндисига кўра, Одилова 165 кг натижа қайд этди, бу ҳам ёшлар ўртасида янги миллий рекордга айланди.
Спортчи Қарши вилоят Олимпия ва паралимпия спорт турларига тайёрлаш маркази тарбияланувчиси ҳисобланади.