Мухлиса Машарипова У17 жаҳон чемпионатида олтин медал олди
О&лсқуо;збекистонлик Мухлиса Машарипова Бокудаги У17 жаҳон чемпионатида 43 кг гача бо&лсқуо;лган вазн тоифасида олтин медални қо&лсқуо;лга киритди.
Мухлиса Машарипова У17 жаҳон чемпионатининг олтин медалини қўлга киритди
Тошкент, Ўзбекистон (UzDaily.uz) – Ўзбекистонлик Мухлиса Машарипова Озарбайжон пойтахти Боку шаҳрида бўлиб ўтаётган 17 ёшгача бўлган куращилар ўртасидаги жаҳон чемпионатида зафар қучди.
43 кг вазн тоифасидаги финал баҳсида ўзбекистонлик спортчи Германия вакили Финея Штраухни мағлубиятга учратиб, олтин медал соҳибасига айланди.
Федерациянинг хабар беришича, мусобақанинг кейинги кунида Ўзбекистон эркин кураш терма жамоасининг беш нафар аъзоси саралаш босқичида иштирок этади.
Шунингдек, Сабрина Абдреимова тасалли берувчи босқич орқали бронза медали учун курашни давом эттиради. Унинг рақиби 53 кг вазн тоифасида Руминиялик Мадалина Павел ва Болгариялик Валерия Станчева ўртасидаги беллашув натижасига кўра маълум бўлади.