130–161 км/соатда алоқа йўқолмоқда: Зеленский Старлинкъдаги муаммоларни айтди
Украина президенти Володимир Зеленский фронтнинг турли участкаларида Старлинк ва Старшиелд ускуналари соатига 130–161 километр ҳаракат тезлигида ишлашдан тўхтаётганини билдирди. Унинг айтишича, бу фронт логистикасини секинлаштириб, дронлардан, жумладан, реактив Шаҳедъларни тутиб қолувчи аппаратлардан фойдаланишни чекламоқда.
130–161 км/соат тезликда алоқа узилмоқда: Зеленский Старлинкдаги муаммолар ҳақида гапирди
Зеленский 19-октабр куни бу маълумотларни Украина Қуролли кучлари бош қўмондонининг ҳисоботига таянган ҳолда Телеграмъда эълон қилган, деб ёзади.
Бу ерда интернет орқали маълумот узатиш тезлиги эмас, балки сунъий йўлдош алоқаси ускунаси ўрнатилган воситанинг ҳаракат тезлиги назарда тутилмоқда. Зеленскийнинг айтишича, узилишлар турли дронларга, айниқса ўрта масофали аппаратлар ва реактив учувчисиз воситаларни тутиб қолувчи дронларга таъсир қилмоқда.
Украина президенти 17-октабр куни ҳам шунга ўхшаш муаммони тилга олган эди. Ўшанда у алоқадаги чекловлар Россия дронлари ҳужумларини қайтаришга тўсқинлик қилаётганини, Киев бу масалани АҚШ вакиллари билан муҳокама қилаётганини билдирган. Зеленскийга кўра, Америка томони чекловларни техник сабаблар билан изоҳлаган.
АҚШ давлат котиби Марко Рубио эса 17-октабр куни Вашингтон Старлинк ишини атайлаб чеклагани ҳақидаги иддаоларни рад этди.
«Оқ уйда ҳеч ким интернетни секинлаштириш ёки маълумот узатиш тезлигини пасайтириш бўйича кўрсатма бермаган», - деган у. Рубио техник муаммоларнинг сабаби ҳали номаълумлигини, бироқ тизимдан фойдаланиш имконияти тикланганини айтган.
Украина Мудофаа вазирлиги маълумотига кўра, Старшиелдъдаги чекловлар 14-октабрга ўтар кечаси пайдо бўлиб, дронлар ва логистика ишини қийинлаштирган. Вазирлик 15-октабрда тизимнинг дала шароитидаги фаолияти тикланганини билдирган бўлса-да, Зеленскийнинг янги баёноти юқори ҳаракат тезлигида муаммолар сақланиб қолаётганини кўрсатмоқда.
Чекловларни ким жорий қилгани борасидаги хабарлар бир-бирига зид. Тҳе Телеграпҳ манбалари бу ташаббусни Илон Маск илгари сургани, Доналд Трамп қўллаб-қувватлаганидан кейин Пентагон лимитлар киритганини айтган. Реутерс эса ўз манбаларига таяниб, кўрсатма Оқ уйдан берилганини хабар қилган.
Маск Старшиелд бўйича бундай қарорларни АҚШ ҳарбийлари ва якуний ҳисобда мамлакат президенти қабул қилишини таъкидлаган. Трамп эса 16-октабр куни ўзи бундай кўрсатма бермаганини ва Маск ҳам берган деб ўйламаслигини айтган.
Шу билан бирга, Зеленский 19-октабр куни Киевда Лоскҳеед Мартин вакиллари билан ҳаво мудофааси учун тутиб қолувчи воситалар етказиб беришни кўпайтириш масаласини муҳокама қилганини маълум қилди. У компания баллистик нишонларни тутиб қолиш воситалари ишлаб чиқаришни кенгайтираётганини, Украина эса уларнинг бир қисмини сотиб олишни режалаштираётганини билдирди.