“Öзбекнефтгаз” иşи бöйиçа айбланувçилар сони 25 нафарга етди
“Öзбекнефтгаз” собиқ раҳбари Баҳодир Сидиқовга оид жиноят иşида айбланувçилар сони 25 нафарга етди. Улар орасида собиқ солиқ қöмитаси раҳбарияти вакиллари ҳам бор.
“Öзбекнефтгаз” иши бўйича айбланувчилар сони 25 нафарга етди
“Öзбекнефтгаз” АЖ собиқ бошқарув раиси Баҳодир Сидиқовга нисбатан қўзғатилган жиноят иши доирасида айбланувчилар сони 25 нафарга чиқди. Бу ҳақда “Gazeta.uz” суд тизимининг янгиланган маълумотларига таяниб хабар берди.
Олдинроқ ушбу иш бўйича тўққиз нафар шахс иш фигуранти экани билдирилган эди. Олий суднинг янги маълумотларига кўра, айбланувчилар сони 25 нафарга етган.
Улар орасида Солиқ қўмитаси раисининг собиқ биринчи ўринбосари Момин Мирзаев ҳам бор. Унга ўзлаштириш ёки растрата йўли билан талон-торож қилиш (Жиноят кодексининг 167-моддаси 3-қисми “а” банди) ҳамда мансаб сохтакорлиги (209-модда 2-қисми “а” банди) бўйича айбловлар қўйилган.
Мирзаев бошқа жиноят иши бўйича ҳам аввал судланган. 2026 йил июл ойида суд уни Жиноят кодексининг 167, 205-моддалари (ҳокимият ёки мансаб ваколатини суиистеъмол қилиш) ва 209-моддасида назарда тутилган жиноятларни содир этишда айбдор деб топиб, саккиз йил икки ой муддатга озодликдан маҳрум қилиш жазосини тайинлаган.
Бошқа айбланувчилар қаторида “Öзбекнефтгаз” бошқаруви раисининг собиқ ўринбосари Бахтиёр Анарқулов, компаниянинг харидлар департаменти собиқ раҳбари Дилмурод Бурхонов, Энтер Энгинееринг вакили Улуғбек Усмонов ҳамда Эриелл Манагемент вакили Нодиржон Бобоев бор.
Баҳодир Сидиқовнинг ўзига ўзлаштириш, мансаб ваколатини суиистеъмол қилиш, мансаб сохтакорлиги ва жиноий даромадларни легаллаштириш айбловлари қўйилган.
Қолган иш фигурантларига эса қўйилган айбловларга қараб, талон-торож қилиш, мансаб сохтакорлиги, ваколатни суиистеъмол қилиш, жиноий даромадларни легаллаштириш, солиқ тўлашдан бўйин товлаш ва бошқа ҳуқуқбузарликлар билан боғлиқ айбловлар илгари сурилган.