“Öзбекнефтгаз” Бухоро НҚИЗни модернизация қилиб, бензин иşлаб çиқариşни оşирмоқçи
Бухоро нефтни қайта иşлаş заводида юқори октанли бензин иşлаб çиқариş режалаşтирилмоқда. Модернизация импорт присадкаларига эҳтиёжни камайтириşи кутилмоқда.
“Öзбекнефтгаз” Бухоро НҚИЗни модернизация қилиб, бензин ишлаб чиқаришни оширмоқчи
“Öзбекнефтгаз” юқори октанли автомобил бензинини бевосита нефтни қайта ишлаш жараёнида ишлаб чиқаришни йўлга қўйиш мақсадида Бухоро нефтни қайта ишлаш заводини модернизация қилишни режалаштирмоқда.
Бу тайёр ёқилғининг октан сонини ошириш учун ишлатиладиган импорт присадкалардан воз кечиш имконини беради.
Давлат компанияси бошқаруви раисининг биринчи ўринбосари Сухроб Ҳамраев модернизация режалари ҳақида 27 октябр куни бўлиб ўтган матбуот анжуманида маълум қилди.
Унинг сўзларига кўра, лойиҳанинг техник-иқтисодий асоси аллақачон тайёрланган. Ташаббус октябр ойидаги йиғилишда Президент томонидан маъқулланган, шунингдек, Комплекс экспертиза марказининг ижобий хулосасини олган. Ҳозирда уни тегишли ҳукумат қарори билан тасдиқлаш бўйича ишлар олиб борилмоқда.
Ҳамраев таъкидлашича, ТИА тасдиқланиб, Президент қарори қабул қилинганидан кейин модернизация ишлари жорий йилнинг тўртинчи чорагида ёки 2027 йилда бошланиши мумкин.
Лойиҳани амалга оширувчилар очиқ тендер орқали танланиши режалаштирилган. Унда лицензия эгалари, қурилиш ташкилотлари ва ўз таклифларини тақдим этишга тайёр бошқа эҳтимолий пудратчилар иштирок этиши мумкин.
Лойиҳани амалга ошириш учун маблағларнинг бир қисмини кредит молиялаштируви орқали жалб қилиш кўзда тутилган. Компания вакилининг таъкидлашича, тендер ва ҳукумат қарори ҳақидаги маълумотлар очиқ бўлади.
“Öзбекнефтгаз” бошқаруви раисининг қайта ишлаш масалалари бўйича ўринбосари Аброржон Худойберганов Бухоро НҚИЗ ҳозирда ишлаб чиқариш имкониятларининг энг юқори чегарасида фаолият юритаётганини маълум қилди.
Унинг сўзларига кўра, компания етказиб бериш режасини тўлиқ бажармоқда, истеъмолчиларга сотиш учун мўлжалланган автомобил бензини захиралари эса 125 минг тоннадан ошган.
Худойберганов присадкаларнинг ёқилғи таннархига таъсирига ҳам эътибор қаратди. Бензиннинг октан сонини ошириш учун улардан фойдаланиш ишлаб чиқариш харажатларини кўпайтиради.
Корхона реконструксия қилиниб, янги маҳсулотлар ишлаб чиқариш ҳажми кенгайтирилганидан сўнг уларнинг таннархи, бинобарин, бензин нархи ҳам пасайиши кутилмоқда.