Ёруғликка сезувчанлик, бош оғриғи ва офталмологга мурожаат қилиш кераклигидан дарак берувчи бошқа симптомлар

Ёруғликка сезувчанлик, бош оғриғи ва бошқа аломатлар кўз шифокорига мурожаат қилиш зарурлигини билдиради.

Гразиа нашри кўриш билан боғлиқ ноқулайликлар ва камчиликлар жиддий оқибатларга олиб келмаслиги учун қандай аломатлар кузатилганда шифокорга мурожаат қилиш кераклиги ҳақида маълумот беради.

**Кечаси машина ҳайдаганда кўришнинг ёмонлашиши**

Кўз муаммолари борлигининг дастлабки белгиларидан бири кечаси машина ҳайдашда қийинчиликлар ва кўриш билан боғлиқ муаммоларнинг пайдо бўлишидир. Бу кўриш қобилиятининг пасайиши, ёшга боғлиқ ўзгаришлар ёки катарактанинг бошланиши билан боғлиқ бўлиши мумкин.

**Кўзларнинг қизариши**

Аллергия, конюнктивит ва ҳатто глаукома каби касалликлар кўзларда қизаришга сабаб бўлиши мумкин. Агар қизариш икки кун ичида ўтиб кетмаса, дарҳол офталмологга мурожаат қилиш керак.

**Ёруғликка сезувчанликнинг ортиши**

Ёруғликка сезувчанликнинг ортиши яллиғланиш жараёнининг бошланишига олиб келади. Агар ўз вақтида чора кўрилмаса, кўриш билан боғлиқ жиддий муаммолар юзага келиши мумкин.

**Кўришнинг хиралашиши**

Кўришнинг хиралашиши билан боғлиқ камчиликлар ҳам жиддий оқибатларга олиб келиши мумкин.

**Кўзда оғриқ пайдо бўлиши**

Инфексия, жароҳат, қуруқ кўз синдроми, аллергия ва ҳатто глаукома кўзда оғриқ пайдо бўлишига сабаб бўлади. Шу сабабли, кўз соҳасида оғриқ сезсангиз, тезда шифокор билан маслаҳатлашинг.

**Бош оғриғи**

Тез-тез ёки жуда кучли бош оғриғи шифокор билан маслаҳатлашиш учун сабабдир. Бундай ҳолатнинг сабаблари турли хил бўлиши мумкин, аммо улар орасида кўз касалликлари ҳам мавжуд. Шунинг учун невропатологдан ташқари офталмолог билан ҳам учрашиш лозим.

**Кўз олдида қора доғлар пайдо бўлиши**

50 ёшдан кейин бу аломат макула дистрофиясини кўрсатиши мумкин. Агар ўз вақтида шифокорга мурожаат қилмасангиз, кўриш қобилиятингизни бутунлай йўқотишингиз мумкин.