“Урушга боришни рад этдим, кейин сумкамдан наркотик топишди”. Навоийда Россия-Украина урушида қатнашган 32 ёшли фуқаронинг озодлиги 4 йилга чекланди
Россияда гиёҳвандликка оид жиноят учун 8 йилга қамалган навоийлик фуқаро кейин Россия Қуролли кучлари билан шартнома тузиб, Украинадаги урушда қатнашган. У&нбсп;жароҳатланганидан сўнг Ўзбекистонга қайтди. Суд унга 4 йил озодликни чеклаш жазосини тайинлади.
“Урушга боришни рад этдим, кейин сумкамдан наркотик топишди”. Навоийда Россия-Украина урушида иштирок этган 32 ёшли фуқаронинг озодлиги 4 йилга чекланган
2023-йил 19-июн куни Кармана тумани (Навоий вилояти) судида Россия-Украина урушида Россия томони учун жанг қилган 32 ёшли фуқаро С.A.ga нисбатан жиноят иши кўриб чиқилди. Газета суд ҳужжатлари билан танишди.
Суд материалларига кўра, С.А. 2025-йил октабр ойида мавсумий ишлаш мақсадида Россияга кетган ва Москва шаҳрида хусусий корхонада озиқ-овқат етказиб бериш билан шуғулланган.
Ҳужжатларга кўра, 2025-йил апрел ойида у гиёҳвандлик воситалари савдосида гумон қилиниб қўлга олинган. Кейинчалик Россия суди уни мамлакат Жиноят кодексининг 228-моддаси (гиёҳвандлик воситаларини ноқонуний сотиб олиш, сақлаш ва ташиш) билан 8 йилга озодликдан маҳрум қилган.
Бироқ 2025-йил октабр ойида Россия Жиноят кодексининг 80.2-моддаси (сафарбарлик, ҳарбий ҳолат ёки уруш даврида ҳарбий хизматни ўташ муносабати билан жазодан озод қилиш) қўлланилиб, у қамоқдан озод этилган ва Россия Қуролли кучлари сафига қабул қилинган.
Суд ҳужжатларида қайд этилишича, С.А. аввал Ростов шаҳридаги 24776-сонли ҳарбий қисмга, кейин эса Украинанинг Донецк шаҳридаги ҳарбий лагерга юборилган.
2026-йил феврал ойида Мариупол яқинидаги ҳарбий лагерда жанговар тайёргарликни давом эттирган. 8-март куни эса Запороже вилоятидаги ҳарбий лагерга Украина томонидан амалга оширилган ҳужум вақтида снаряд портлаши оқибатида тан жароҳати олган.
Шундан сўнг у Астракҳан шаҳридаги ҳарбий госпиталда даволанган.
Суд материалларига кўра, 2026-йил 14-апрел куни С.А. Ўзбекистоннинг Москвадаги элчихонасига мурожаат қилиб, Россия-Украина урушида қатнашганини ҳамда хорижга чиқиш паспорти жазони ижро этиш муассасасида қолганини яшириб, уни йўқотганини маълум қилган. Шу асосда унга Ватанга қайтиш гувоҳномаси расмийлаштирилган.
2026-йил 17-апрел куни у мазкур ҳужжат билан Россиядан чиқиб, “Яллама” чегара-божхона пости орқали Ўзбекистонга қайтган.
“Полиция аввал урушга боришни таклиф қилди, рад этганимдан кейин сумкамдан наркотик топишди”
Судда кўрсатма берган С.A.ning айтишича, у 2025-йил январ ойида ишлаш мақсадида Россияга кетган. Аввал Калуга вилоятидаги иссиқхонада ишлаган, кейин эса Москвага кўчиб, юк ташувчи ва етказиб бериш хизматида меҳнат қилган.
Унинг сўзларига кўра, 2025-йил 14-апрел куни кечқурун полиция ходимлари уни тўхтатиб, урушга боришни таклиф қилган. У рози бўлмагач, полиция унинг сумкасини текшириб, гиёҳвандлик моддаси борлигини айтган.
С.A.ning таъкидлашича, шундан сўнг унга нисбатан РФ Жиноят кодексининг 228-моддаси (гиёҳвандлик воситаларини ноқонуний сотиб олиш, сақлаш ва ташиш) 4-қисми бўйича жиноят иши қўзғатилган, хорижга чиқиш паспорти, ИД-картаси ва ҳарбий гувоҳномаси олиб қўйилган. Кейинчалик суд уни 8 йилга озодликдан маҳрум қилган.
“Қамоқдан чиқиш учун урушга боришим кераклигини айтишди”
Судлану