УЕФА ФИФАъга шарт қўйди

УЕФА ФИФАга ултиматум қўйди

Европа футбол ассоциациялари иттифоқи (УЕФА) бошқа конфедерациялар билан биргаликда, агар Халқаро футбол федерацияси (ФИФА) президенти Жанни Инфантино ўз лавозимидан кетишдан бош торца, ўзининг мустақил халқаро мусобақаларини ташкил этиш имкониятини кўриб чиқмоқда. Бу ҳақда Британиянинг Тҳе Тимес нашри хабар берди.

Манбага кўра, УЕФАнинг бу ташаббуси Осиё футбол конфедерацияси (ОФК) ҳамда Шимолий, Марказий Америка ва Кариб ҳавзаси мамлакатлари футбол конфедерацияси (КОНКАКАФ) томонидан тўлиқ қўллаб-қувватланган. Агар Инфантино ўз лавозимида қолса, ушбу учта ташкилот раҳбарлари ФИФА бошқарув органларига бойкот эълон қилишга тайёр эканликларини билдирмоқда.

Эҳтимолий чоралар қаторига ФИФА кенгаши ва қўмиталари йиғилишларида иштирок этишдан, шунингдек, ташкилот қарорларини тасдиқлашдан бош тортиш киради. Эслатиб ўтамиз, Инфантино аввалроқ 2027-йилда ҳам ушбу лавозимга ўз номзодини қўймоқчи эканини маълум қилган эди.

Июл ойида ФИФА ўзининг медиа ва тижорат ҳуқуқларини (жумладан, Жаҳон чемпионатлари ҳуқуқларини) ўз ичига олган янги тузилманинг тахминан 20 фоиз аксиясини хусусий инвесторларга сотиш орқали 4,2 миллиард доллар жалб қилиш ниятида эканини эълон қилган эди. Матбуот хабарларига кўра, бу аксияларни АҚШнинг собиқ президенти Доналд Трампнинг куёви Жаред Кушнернинг укаси — Жошуа Кушнерга тегишли фонд сотиб олиши кутилаётганди.

Шундан сўнг, УЕФА ушбу таклиф тўлиқ бекор қилинмагунча барча аъзолари билан биргаликда ФИФА турнирларини бойкот қилишини маълум қилди. Кескин келишмовчиликлар фонида Инфантино федерация тижорат ҳуқуқларини сотиш режасидан воз кечганини билдирди.

ОАВ маълумотларига кўра, агар ушбу тижорий лойиҳа амалга ошганида, ФИФА раҳбарининг йиллик маоши 3 миллион евродан 30 миллион еврогача кескин ошиб кетар эди.

Инфантино ушбу баҳсли лойиҳадан воз кечганига қарамай, УЕФА махсус баёнот билан чиқиб, ташкилот раҳбариятига нисбатан ишонч бутунлай йўқолганини ва бу режа муаллифларини жавобгарликка тортиш ниятида эканини таъкидлади.