Трампнинг голф клуби устидан учаётган самолётлар тутиб олинди

**Трампнинг голф клуби узра учган самолётлар тўхтатилди**

АҚШ президенти Доналд Трампнинг голф клуби устидан рухсациз учиб ўтган иккита самолёт қирувчилар томонидан ушлаб қолинди. Бу ҳақда Шимолий Америка Аерокосмик мудофаа қўмондонлиги (НОРАД) маълумот берди.

Хабарга кўра, Трампнинг шахсий голф клуби жойлашган Бедминстер (Ню-Жерси штати) ҳудудида вақтинчалик парвоз чекловлари жорий этилган эди. 9-август куни ушбу чекловларга риоя қилмаган самолётларнинг йўлини тўсиш учун Ф-16 қирувчи самолётлари жалб этилди. Натижада фуқаро самолётлари хавфсиз ҳудудга кузатиб қўйилди.

Ўтган дам олиш кунларида Доналд Трамп айнан шу голф клубида бўлган. Воқеа муносабати билан учувчилардан ҳар бир парвоздан олдин тегишли билдиришномаларни (НОТАМ) текшириш ва вақтинчалик парвоз чекловларига (ТФР) қатъий риоя этиш сўралган.

АҚШ ҳарбийлари операцияда қанча қирувчи самолёт иштирок этганига аниқлик киритмади. Шунингдек, вақтинчалик парвоз чекловларини айнан қайси лайнерлар бузгани ҳам ошкор этилмади.

Маълумот учун, Ф-16 Американинг тўртинчи авлод кўп мақсадли қирувчи самолётидир. У ҳаводаги жанглар, нишонларни тутиб олиш ва ер усти обьектларига зарба бериш учун мўлжалланган. 2025-йилнинг декабр ойида ҳам Ф-16 қирувчиси Доналд Трампнинг Палм-Бичдаги резиденсияси осмонида ёпиқ ҳаво ҳудудига кириб қолган самолёт йўлини тўсганди.