Трамп Эронга қарши янги ҳарбий амалиётни вақтинча тўхтатди
АҚШ президенти Доналд Трамп Вашингтон ва Исроил Эронга қарши режалаштирилган янги ҳарбий зарбаларни вақтинча кечиктирганини маълум қилди. Унинг таъкидлашича, бу қарор Теҳрон ва Яқин Шарқдаги бир қатор давлатларнинг мурожаати ҳамда эҳтимолий келишувнинг асосий шартлари бўйича келишувга эришилгани сабабли қабул қилинган.
Трамп Эрон бўйича янги ҳарбий амалиётни вақтинча тўхтатди
АҚШ президенти Доналд Трамп ўзининг Трутҳ Сосиал ижтимоий тармоғида маълум қилишича, Қўшма Штатлар ва Исроил Эронга қарши янги ҳарбий зарбаларни вақтинча амалга оширмайди.
Унинг сўзларига кўра, АҚШ Эронга қарши кенг кўламли ҳарбий амалиётни бошлашга тўлиқ тайёр бўлган. Бироқ Эрон ва Яқин Шарқнинг бошқа давлатлари Вашингтондан ҳужумни амалга оширмасликни сўраган. Трампнинг таъкидлашича, бунга Эрон билан эҳтимолий келишувнинг асосий параметрлари бўйича келишувга эришилгани сабаб бўлган.
АҚШ президентининг қайд этишича, эҳтимолий келишув икки асосий талабни ўз ичига олади: Ҳўрмуз бўғозини зудлик билан тўлиқ очиш ҳамда Эроннинг ядровий дастуридан келиб чиқадиган таҳдидни бартараф этиш.
«Ушбу мурожаатни инобатга олиб ва бутун дунё келажаги манфаатларини ҳисобга олган ҳолда, шунингдек, барқарор ва фаровон Эронни кўриш истагида мен ҳужумни бекор қилишга рози бўлдим. Бироқ бу келишув тез орада имзоланиши шарти билан амалга ошади. Исроил ҳам ушбу ёндашувни қўллаб-қувватламоқда», - деб ёзди Трамп.
Шу билан бирга, Тҳе Валл Стреет Жоурнал нашри манбаларга таяниб хабар беришича, Трамп аввалроқ Эронни ён беришга мажбурлаш мақсадида янги ҳарбий зарбалар сериясига рухсат берган. Бироқ дипломатик музокараларда ижобий силжиш кузатилса, АҚШ президенти ушбу қарорни қайта кўриб чиқиши ва музокараларга қайтиши мумкин.
СБС Невс телеканали маълумотига кўра, АҚШ ва Исроил Эроннинг энергетика инфратузилмасига қарши биргаликда ҳужум уюштиришни режалаштирган. Режага мувофиқ, асосий нишонлар сифатида нефтни қайта ишлаш заводлари ҳамда электр стансиялари белгиланган бўлиб, ҳарбий операция бутун дам олиш кунлари давом этиши мумкин эди.