Трамп билан боғлиқ можародан сўнг ФИФА президенти устидан шикоят тушди
Трамп билан боғлиқ можародан сўнг ФИФА президенти устидан шикоят киритилди
Халқаро Олимпия қўмитасига (ХОҚ) ФИФА президенти Жанни Инфантинонинг АҚШ президенти Доналд Трамп билан алоқаларида сиёсий бетарафлик қоидаларини бузганлиги ҳақида шикоят аризаси келиб тушди. Бу ҳақда ЭСПН нашри хабар берди.
“ФаирСқуаре” инсон ҳуқуқларини ҳимоя қилиш ташкилоти, 2020-йилда ХОҚ аъзосига айланган Инфантино ХОҚнинг ахлоқ кодексини бир неча бор бузганини маълум қилди. Қайд этилишича, ушбу қоидабузарликларнинг сўнггиси америкалик футболчи Фоларин Балогун билан боғлиқ ишни кўриб чиқиш жараёнида юзага келган.
“Жанни Инфантино АҚШ президенти Доналд Трампга ўзининг сиёсий ёрдамини таклиф қилиш орқали ХОҚнинг сиёсий нейтраллик ҳақидаги қоидаларини бир неча бор бузган”, дейилади “ФаирСқуаре” баёнотида.
Эслатиб ўтамиз, яқинда ФИФА интизом қўмитаси АҚШ миллий жамоаси ҳужумчиси Фоларин Балогуннинг дисквалификациясини тўхтатиб туришга қарор қилди. Бунинг натижасида футболчи ЖЧ-2026 нинг 1/8 финалида Белгияга қарши муҳим ўйинда майдонга тушиш имкониятига эга бўлди.
ОАВ хабарларига кўра, ФИФА бу қарорни Оқ уйдан ташкилот раҳбари Жанни Инфантинога бўлган қўнғироқдан сўнг қабул қилган. Кейинроқ АҚШ президенти Доналд Трамп ҳақиқатан ҳам ушбу масала юзасидан Инфантинога қўнғироқ қилгани ва дисквалификация ҳақидаги қарорни қайта кўриб чиқишни сўраганини тасдиқлади.
“ФаирСқуаре” томонидан ХОҚ Этика комиссиясига киритилган даъвода сиёсий бетарафлик қоидалари камида беш марта очиқ-ойдин бузилгани, шунингдек, Балогун ишини қўшиб ҳисоблаганда яна иккита жиддий қоидабузарлик аломатлари борлиги таъкидланган.
Тахмин қилинаётган қоидабузарликлардан яна бири Инфантинонинг ЖЧ-2026 га бағишланган ФИФА фан-сайтини тарғиб қилиши билан боғлиқ. “ФаирСқуаре” ташкилотининг ҳисоблашича, ушбу сайт аслида президент Трампга алоқадор тузилмалар томонидан шахсий маълумотларни йиғиш кампаниясининг бир қисми бўлган.