Тошкент атрофида 1 млрд долларлик икки қаватли пулли айланма йўл қурилиши мумкин

Тошкент атрофида 1 миллиард долларлик икки қаватли пулли айланма йўл қурилиши мумкинлиги ҳақида хабар берилди.

Тошкент шаҳрида қиймати 1 миллиард долларга тенг бўлган, узунлиги 100 километрга етадиган икки қаватли пулли айланма автомобил йўлини барпо этиш масаласи кўриб чиқилмоқда. Бу маълумот Халқ депутатлари Тошкент шаҳар кенгашининг 22-июлдаги қарорида қайд этилган бўлиб, унда пойтахт автомобил йўлларини қуриш, реконструксия қилиш ва сақлаш ҳолати муҳокама қилинган.

Ҳужжатга кўра, халқаро молия институтлари ва йирик йўл-қурилиш компаниялари билан ҳамкорликда бир қатор йирик инфратузилма лойиҳаларини амалга ошириш бўйича келишувларга эришилган.

Пойтахт ҳокимлиги Газетаъга берган изоҳида, бу қатъий битимлар эмас, балки имзоланган меморандумлар эканлигини аниқлаштирди.

Жумладан, Чина Раилвай Сонструстион компанияси билан ҳамкорликда Тошкент атрофида 100 километрлик икки қаватли пулли айланма йўл қуриш режалаштирилмоқда. Ушбу лойиҳанинг дастлабки қиймати 1 миллиард долларни ташкил этади. Лойиҳанинг бошқа тафсилотлари ҳозирча ошкор этилмаган.

Шунингдек, Хитойнинг СИНО-Ҳунан компанияси билан ҳам қиймати 1 миллиард долларлик яна бир лойиҳани амалга ошириш бўйича меморандум имзоланган. Бу лойиҳа доирасида 7 та туннел ва 5 та йўлўтказгич қуриш, 16 та кўчада 57 километрлик тезкор автобус йўналишлари (БРТ) коридорларини ташкил этиш, шунингдек, 279 километрлик йўлларни қуриш ва реконструксия қилиш кўзда тутилган.

Чина Сонструстион компанияси 3 та йўлўтказгич ва 4 та кемпинг ҳудудини қуришга, шунингдек, 27 километрлик йўлларни капитал таъмирлашга 500 миллион доллар сармоя киритиши мумкин.

Шангҳаи Сонструстион билан эса 100 миллион доллар эвазига кемпинг маркази қуриш ва 7,7 километрлик йўлларни таъмирлаш масаласи муҳокама қилинмоқда.

Бундан ташқари, Хинжианг Ҳуиъер Агрисултурал компанияси билан ландшафт дизайни лойиҳалари асосида йўл бўйи ҳудудларини кўкаламзорлаштириш бўйича дастлабки келишувларга эришилган.

Май ойида Тошкент шаҳар ҳокимлиги Чина Раилвай Сонструстион Сорпоратион билан узунлиги 100 километрга яқин бўлган пулли айланма йўл қурилишини муҳокама қилаётганини маълум қилган эди. Томонлар, шунингдек, пойтахт марказидан бўлажак “Янги Тошкент” халқаро аеропорти йўналишида пулли магистрал қуриш лойиҳасини ҳам кўриб чиқишган.

Ҳоким Шавкат Умурзаков бощилигидаги делегациянинг Хитой корпорацияси раҳбарияти билан учрашувида шаҳарни комплекс реновация қилиш, инфратузилмани модернизация қилиш ҳамда компаниянинг ижтимоий обьектлар ва қурилиш ҳамда маиший чиқиндиларни қайта ишлаш полигонини қуришдаги эҳтимолий иштироки муҳокама қилинган эди.