Темирйўлда юк ташиш хизмати рақамлаштирилади
Ўзбекистонда 2026-йил 1 октябрдан темирйўл орқали ички қатновларда юк ташиш буюртмаларини Давлат хизматлари марказлари ҳамда Ягона интерактив давлат хизматлари портали орқали электрон шаклда расмийлаштириш йўлга қўйилади. Янги тартиб Вазирлар Маҳкамасининг 433-сон қарори билан тасдиқланган маъмурий регламент асосида жорий этилади.
Темирйўл орқали юк ташиш хизматлари рақамлаштирилади
Ўзбекистонда темирйўл орқали мамлакат ичида юк ташишга буюртма бериш жараёни тўлиқ рақамли форматга ўтказилади. Бу Вазирлар Маҳкамасининг 2026-йил 5-августдаги 433-сонли қарори билан тасдиқланган “Темирйўл орқали ички қатновларда юк ташиш учун буюртмаларни қабул қилиш” давлат хизмати бўйича маъмурий регламентда ўз аксини топган.
Янги тартибга кўра, 2026-йил 1-октябрдан бошлаб тадбиркорлар ва бошқа манфаатдор шахслар юк ташиш учун буюртмаларни Давлат хизматлари марказлари ёки Ягона интерактив давлат хизматлари портали орқали электрон шаклда расмийлаштириш имкониятига эга бўладилар.
Мазкур қарорнинг асосий мақсади давлат хизматини соддалаштириш, унинг шаффофлиги ва тезкорлигини ошириш, шунингдек, темирйўлда юк ташиш жараёнини тўлиқ рақамлаштиришдан иборат. Янги регламент хизмат кўрсатиш тартиби, мурожаатларни қабул қилиш ва кўриб чиқиш механизмларини аниқ белгилаб беради.