“Роналдунинг олти саёҳати”. Футболчининг Жаҳон чемпионатларидаги иштирокига назар
“Роналдунинг олти саёҳати”. Футболчининг Жаҳон чемпионатларидаги иштирокига назар
2026-йилги Жаҳон чемпионати Криштиану Роналду, Лео Месси ва Гилиерме Очоа учун олтинчи бўлди. Бироқ, айнан Криштиану учун бу сафар алоҳида аҳамиятга эга. Очоа захира дарвозабони сифатида қатнашган бўлса, Месси 2006-йилги биринчи мундиалида асосий футболчи эмасди ва фақат бир ўйинда тўлиқ майдонда бўлган. Криштиану Роналду эса барча олти мундиалга терма жамоаси етакчиси сифатида ташриф буюрди ва ҳозирда олти Жаҳон чемпионатининг ҳар бирида гол урган ягона футболчи ҳисобланади.
Фото: “Дарё” Ҳа, бу голларнинг аксарияти гуруҳ ўйинларида урилган, Роналду бошқа кўп футболчилардан фарқли равишда ҳатто финалда ҳам ўйнамаган. Аммо, бошқа томондан, олти мундиал, яъни 20 йил давомида Португалия терма жамоасининг етакчиси бўлиши унинг шунча муддат юқори спорт формасида бўлганлигини исботлайди. Бу эса ҳеч ҳам осон эмас.
ЖЧ-2006. Дебют, илк гол, Руни билан зиддиват
Криштианунинг илк мундиали Германияда ўтган чемпионат бўлганди. Ўша пайтда Португалия таркибида Фигу, Гомиш, Паулета каби эски авлод футболчилари бўлса-да, авлодлар алмашинуви бошланган, икки йил олдинги Евродан фарқли равишда Роналду терма жамоанинг асосий юлдузига айланганди. Чемпионатлар тарихидаги илк голини Роналду иккинчи турда, Эрон терма жамоаси дарвозасига пеналтидан урди. Португалия гуруҳдаги учала ўйинни ҳам ўз фойдасига ҳал қилиб, кейинги босқичга йўл олди. Нимчорак финалда Нидерландия (1:0), кейинги босқичда пеналтилар сериясида Англия (0:0) доғда қолдирилди. Франсияга қарши яримфинал (0:1), шунингдек, Германия билан учинчи ўрин учун баҳслар (1:3) эса бой берилди. Роналду ҳисобидаги пеналтидан урилган гол турнирда ягоналигича қолиб кетган бўлса-да, у илк мундиалини анча ёрқин ўтказди, дейиш мумкин. Биринчидан, Роналду мусобақанинг энг яхши ёш футболчиси номинациясида фақат Подолскидан ортда қолган бўлса, иккинчи ёрқин воқеа — Англия ва Португалия ўртасидаги чорак финал ўйинидаги Уейн Руни билан бўлган зиддиват катта шов-шув чиқарганди.
Фото: ЭСПН Аслида нима бўлганди? Рикардо Карвалю билан тўп учун курашган Уейн Руни унинг оёғини босиб олади ва ҳакам томонидан майдондан четлаштирилади. Ўша жараёнда “Манчестер Юнайтед”даги жамоадошига қизил карточка кўрсатилишига Роналду фаол таъсир қилган, ҳакамдан жазо талаб қилиб арз қилганди. Руни четлатилгач, Португалия захира ўриндиғига қараб кўз қисиб қўйган Роналду яқин планда тасвирга тушиб қолгани Англияда унга қарши кампания бошланишига сабаб бўлганди. Иш шу даражага борадики, ҳатто Роналду Англияга қайтиб боришга қўрқиб қолади, нашрлар Руни ва Роналду зиддияти ҳақида бўрттириб ёза бошлайдилар. Кейинчалик маълум бўлишича, Криштиану ўша куниёқ Англия терма жамоаси автобуси олдига бориб, Рио Фердинанддан Руни билан учраштиришни сўраган, ўшандаёқ икки футболчи гаплашиб, ўртадаги тушунмовчиликни ҳал қилиб олган экан. “Биз майдонда рақиб эдик, балки мен ҳам унинг ўрнида шундай қилишим мумкин эди. Ронал