«Ректорлар мактаби» дастурига қабул қилиш тартиби тасдиқланди.
Адлия вазирлиги «Янги Ўзбекистон» университетида давлат олий таълим ташкилотлари ректори (директори) лавозимига номзодларни тайёрлашга қаратилган «Ректорлар мактаби» дастурига қабул қилиш тартибини давлат рўйхатидан ўтказди. Янги низомга кўра, номзодлар очиқ танлов асосида тўрт босқичли саралашдан ўтади..
«Ректорлар мактаби» дастурига қабул қилиш тартиби тасдиқ этилди.
Адлия вазирлиги «Янги Ўзбекистон» университетида давлат олий таълим муассасалари ректори (директори) лавозимига номзодларни тайёрлаш мақсадида «Ректорлар мактаби» дастурига қабул қилиш тартибини давлат рўйхатидан ўтказди. Янги қоидага кўра, номзодлар очиқ танлов асосида тўрт босқичли саралаш жараёнидан ўтишлари керак.
Адлия вазирлиги хабар беришича, «Янги Ўзбекистон» университетида давлат олий таълим муассасалари ректори (директори) лавозимига номзодларни тайёрлаш бўйича «Ректорлар мактаби» дастури доирасида ўқишга қабул қилиш тартиби 2026 йил 13 июл куни 3897-сон билан давлат рўйхатидан ўтказилган.
Қоидага мувофиқ, дастурда иштирок этиш учун номзодлар камида 30 ёшга тўлган, магистр академик даражасига эга бўлиши, олий таълим соҳасида камида беш йиллик иш тажрибасига, шунингдек, раҳбарлик лавозимларида камида икки йиллик иш стажига эга бўлиши зарур.
Қабул жараёни тўрт босқичда амалга оширилади. Улар ҳужжатларни қабул қилиш ва ўрганиш, тест синовлари, психологик баҳолаш ва суҳбатдан иборат.
Номзодларнинг тест, психологик баҳолаш ва суҳбат натижалари бўйича тўплаган умумий баллари асосида рейтинг шаклланади. Қабул квотаси доирасида энг юқори натижани кўрсатган номзодлар ўқишга тавсия этилади.
Бундан ташқари, қоидада ҳужжатларни топшириш тартиби, баҳолаш мезонлари, натижаларни эълон қилиш, апелляция бериш ва қабул жараёнининг шаффофлигини таъминлаш механизмлари ҳам белгиланган.
Вазирлар Маҳкамасининг 2026 йил 16 апрелдаги 177-сон қарорига мувофиқ, давлат олий таълим муассасалари ректори (директори) лавозимига номзодлар фақат «Ректорлар мактаби» дастурини муваффақиятли тамомлаган ва ректорлар захирасига киритилган шахслар орасидан танлаб олинади.