Президент Администрация тўғрисидаги қонун лойиҳаси Сенатга юборилди
Мажлисда Ўзбекистон Республикаси Президенти Администрациясининг ҳуқуқий мақоми, асосий вазифалари, фаолиятини ташкил этиш тартиби ҳамда ваколатларини белгилаб берувчи “Ўзбекистон Республикаси Президенти Администрацияси тўғрисида”ги Конституциявий қонун лойиҳаси иккинчи ўқишда кўриб чиқилди.
Президент Администрацияси тўғрисидаги қонун лойиҳаси Сенатга йўналтирилди
Тошкент, Ўзбекистон (UzDaily.uz) — Ўзбекистон Республикаси Президенти Администрациясининг ҳуқуқий мақоми, асосий вазифалари, фаолиятини ташкил этиш тартиби ва ваколатларини белгиловчи “Ўзбекистон Республикаси Президенти Администрацияси тўғрисида”ги Конституциявий қонун лойиҳаси Мажлисда иккинчи ўқишда кўриб чиқилди.
Ушбу қонун лойиҳаси Ўзбекистон Республикаси Конституцияси талабларидан келиб чиққан ҳолда ишлаб чиқилган бўлиб, Президент Администрациясининг давлат бошқаруви тизимидаги ўрни, ҳуқуқий мақоми ва фаолиятининг асосий йўналишларини конституциявий қонун даражасида белгилашни мақсад қилган.
Лойиҳада Администрация Ўзбекистон Республикаси Президенти томонидан шакллантирилиши, шунингдек, унга Президент томонидан тайинланадиган ва лавозимидан озод этиладиган Администрация Раҳбари бощилик қилиши кўзда тутилган.
Администрациянинг мақоми, фаолиятининг асосий принсиплари, таркибий тузилиши ва фаолиятини ташкил этиш тартиби, унинг давлат ҳокимияти органлари ва ташкилотлари билан ўзаро алоқалари, шунингдек, Администрациянинг мансабдор шахслари, бошқарув ва хизматчи ходимларининг фаолият кафолатлари аниқ белгилаб берилган.
Бундан ташқари, қонун лойиҳаси Администрациянинг давлат органлари ва ташкилотларининг комплаенс ва коррупсияга қарши ички назорат тузилмалари билан алоқаларини ҳам очиб беради.
Қонун лойиҳасини тайёрлашда халқаро ва хорижий тажриба ўрганилган. Хусусан, АҚШ, Финляндия, Чехия, Словакия, Руминия, Латвия, Тайван, Қозоғистон, Туркманистонда Президент администрацияси (канселярияси, офиси)нинг ҳуқуқий мақоми алоҳида қонунларда белгиланган.
Таъкидланганидек, қонун лойиҳаси барча сиёсий партиялар фраксияларида ҳамда масъул қўмитада атрофлича муҳокама қилинди. Муҳокамаларга ҳуқуқшунос олимлар, соҳа мутахассислари ва экспертлар жалб этилди. Иккинчи ўқишга тайёрлаш жараёнида келиб тушган ҳар бир таклиф моддама-модда кўриб чиқилиб, долзарб ва асосли деб топилган таклифлар қонун лойиҳасида ўз ифодасини топди.
Ушбу конституциявий қонун лойиҳасининг қабул қилиниши Президент фаолиятини ташкилий, ҳуқуқий ва таҳлилий жиҳатдан таъминлашнинг ҳуқуқий механизмларини такомиллаштириш, давлат органлари ўртасидаги ҳамкорликни мустаҳкамлаш ҳамда бошқарув жараёнларининг самарадорлигини оширишга хизмат қилиши қайд этилди.
Муҳокамалар якунига кўра, қонун лойиҳаси депутатлар томонидан учинчи ўқишда қабул қилинди ва Сенатга юборилди.