Ўзбекистонда сафарбарлик тўғрисидаги қонун лойиҳаси Сенатга юборилди.

Ўзбекистонда сафарбарликка оид қонун лойиҳаси Сенатга тақдим этилди. Олий Мажлис Қонунчилик палатаси "Сафарбарлик тайёргарлиги ва сафарбарлик тўғрисида"ги қонун лойиҳасини иккинчи ўқишда ма'қуллади. Ушбу ҳужжатда сафарбарликни ташкил этишнинг ҳуқуқий асослари, давлат органларининг ваколатлари ва ҳарбий хизматга чақирилувчиларни бронлаштириш тартиби такомиллаштирилган бўлиб, лойиҳа Сенатга кўриб чиқиш учун юборилди.

Қонун лойиҳасига кўра, сафарбарлик мамлакат хавфсизлигини та'минлаш мақсадида давлат органлари, ташкилотлар, иқтисодиёт тармоқлари ва аҳолини уруш даври шароитида фаолият кўрсатишга тайёрлашга қаратилган чора-тадбирлар мажмуини ўз ичига олади.

Бундан ташқари, давлат учун муҳим вазифаларни узлуксиз бажаришни та'минлаш мақсадида айрим ходимларни ҳарбий хизматга чақиришдан вақтинча озод этишни назарда тутувчи бронлаштириш тартиби ҳам белгиланган.

Қонун лойиҳаси иккинчи ўқишга тайёрланиш жараёнида депутатлар томонидан берилган таклиф ва мулоҳазалар асосида қайта кўриб чиқилган. Унда ҳуқуқий тушунчалар аниқлаштирилиб, амалдаги қонунчиликда қўлланилаётган атамалар билан мувофиқлаштирилган, такрорланувчи ва ортиқча нормалар чиқариб ташланган.

Ҳужжатда сафарбарлик тайёргарлиги ва сафарбарликнинг асосий принсиплари ҳам ҳуқуқий жиҳатдан такомиллаштирилган. Шу билан бирга, принсип хусусиятига эга бўлмаган айрим нормалар чиқарилиб, қонуннинг ҳуқуқий аниқлиги ва уни қўллашда ягона ёндашувни та'минлашга э'тибор қаратилган.

Лойиҳада парламент, ҳукумат, вазирлик ва идораларнинг сафарбарлик соҳасидаги ваколатлари қайта кўриб чиқилган. Давлат сафарбарлик режасини тасдиқлаш, чақирилувчилар ва ҳарбий хизматга мажбурларни бронлаштириш, шунингдек, давлат сафарбарлик захирасини шакллантириш билан боғлиқ ҳуқуқий механизмлар янада аниқлаштирилган.

Бундан ташқари, давлат сафарбарлик режасини ишлаб чиқиш ва амалга ошириш, сафарбарлик ресурслари ҳамда давлат сафарбарлик захирасини шакллантиришга оид тартиблар такомиллаштирилган. Асосий сафарбарлик тадбирлари тизимлаштирилиб, ўзаро такрорланувчи ва ортиқча нормалар қисқартирилган.

Депутатлар та'кидлашича, қонун қабул қилиниши сафарбарлик соҳасидаги муносабатларни ягона ҳуқуқий асосда тартибга солиш, давлат органлари ва ташкилотлар ўртасидаги ҳамкорликни мустаҳкамлаш, ваколат ва мажбуриятларни аниқ белгилаш, шунингдек, ҳуқуқни қўллаш амалиёти самарадорлигини оширишга хизмат қилади.

Қонун лойиҳаси Қонунчилик палатаси депутатлари томонидан қабул қилиниб, кўриб чиқиш учун Сенатга юборилди.