Ўзбекистонда банклардан 500 АҚШ долларигача нақд валютани ҳужжациз олиш мумкин бўлди
Ўзбекистонда 9-августдан банклардан 500 долларигача бўлган нақд чет эл валютасини паспорт, ИД карта ёки уларнинг ўрнини босувчи бошқа ҳужжатларсиз олиш мумкин бўлди. Аввалги тартибга кўра, ушбу сумма 100 долларини ташкил этарди.
Ўзбекистонда эндиликда банклардан 500 АҚШ долларигача нақд хорижий валютани шахсни тасдиқловчи ҳужжатларсиз олиш имконияти яратилди. Бу ҳақда тегишли ҳужжат 9-августдан кучга кирган.
Адлия вазирлиги ташаббуси билан қабул қилинган идоравий ҳужжатга мувофиқ, энди банкларда 500 АҚШ долларигача нақд чет эл валютасини сотиб олишда паспорт, ИД-карта ёки уларнинг ўрнини босувчи бошқа ҳужжатларни тақдим этиш талаб қилинмайди.
Аввалроқ, банклардан ҳужжациз сотиб олиш мумкин бўлган чет эл валютаси миқдори 100 АҚШ долларини ташкил этган эди.
Эслатиб ўтамиз, 2025-йил давомида Ўзбекистон фуқаролари сотиб олганларидан кўра кўпроқ валюта сотганлар. Бу фарқ 9,7 млрд долларгача (+44,2%) ўсиб, бозорда қўшимча валюта манбаига айланган.