Ўзбекистон 2026 йил июн ойида олтин экспорт қилмади
О&лсқуо;збекистон 2026 йил июн ойида олтин экспорт қилмади. Ярим йиллик олтин экспорти 1,504 млрд долларга тушиб, 76,8 фоизга камайди.
Ўзбекистон 2026-йил июн ойида олтин экспортини амалга оширмади. Бу ҳақда Ўзбекистон Республикаси Миллий статистика қўмитаси маълумотлари гувоҳлик бермоқда.
Қўмита хабарига кўра, 2026-йилнинг январ-июн ойлари давомида олтин экспорти ҳажми 1,504 миллиард долларни ташкил этган. Ушбу кўрсаткич январ-май ойлари якунлари бўйича ҳам ўзгаришсиз қолган, бу эса июн ойида олтин экспорти амалга оширилмаганини англатади.
Таққослаш учун, 2025-йилнинг январ-июн ойларида Ўзбекистон 6,492 миллиард долларлик олтин экспорт қилган эди. Демак, жорий йилда олтин экспорти ўтган йилнинг шу даврига нисбатан 76,8 фоизга камайган.
Олтиннинг мамлакат умумий экспортидаги улуши ҳам сезиларли даражада пасайган. 2025-йилнинг январ-июн ойларида бу кўрсаткич 37,3 фоизни ташкил этган бўлса, 2026-йилнинг шу даврида 9,5 фоизга тушган.
Шу билан бирга, Ўзбекистоннинг 2026-йил январ-июн ойларидаги ташқи савдо айланмаси 41 миллиард долларни ташкил этди. Бу ўтган йилнинг мос даврига нисбатан 2,8 миллиард долларга ёки 7,4 фоизга кўпроқдир.