Нетфлих Николас Кейж иштирокидаги янги филм диски ўғирлангани учун судга берилди

Нетфлих компанияси Швейсариялик тадбиркор Саймон Афрам томонидан судга берилди. Афрам компаниядан Николас Кейж иштирокидаги Иккинчи жаҳон уруши ҳақидаги янги филмнинг шифрланмаган нусхаси йўқолгани учун 105 миллион доллар талаб қилмоқда. Бу ҳақда Вариетй нашри хабар берди.

Даъво аризасида айтилишича, тадбиркор ссенарий устида етти йил ишлаган ва уни суратга олиш учун 45 миллион доллар сармоя киритган. Июн ойида продюсер ёрдамчиси Нетфлих бош қароргоҳига филмнинг рақамли нусхаси солинган пакетни олиб келган, токи компания муаллифлик ҳуқуқларини сотиб олиш бўйича қарор қабул қилсин.

Бироқ, ёрдамчи қаттиқ дискни қайтариб беришни сўраганида, унга жавоб беришмаган. Бир ҳафта ўтгач, Нетфлих электрон почта орқали жавоб йўллаган.

Нетфлихънинг оригинал филмлар бўйича директори Шон Берни шундай ёзган: “Бундай ҳолат билан биринчи марта тўқнаш келишимиз. Афсуски, ўтган ҳафта кимдир иш столларимиздан кўплаб дискларни ўғирлаб кетибди. Бу борада хавфсизлик хизматларимиз билан иш олиб боряпмиз, аммо ҳозирча натижа йўқ.”

Тадбиркорнинг таъкидлашича, нусханинг йўқолиши филмнинг эксклюзивлигини хавф остига қўяди.

Нетфлих баёнотида шундай дейилади: “Гарчи биз “Фортитуде” филми ҳуқуқларига эга бўлмасак-да, контент хавфсизлигига жиддий ёндашамиз ҳамда режиссёр ва унинг жамоасини қўллаб-қувватлаш учун қўшимча чоралар кўрдик.”

Николас Кейж, Бен Кингсли ва Рон Перлман бош ролларни ижро этган “Фортитуде” филми билан боғлиқ бу биринчи суд иши эмас. 2023-йилда Афрам режиссёр Мартин Скорсезени ижрочи продюсер сифатида 500 минг доллар ўзлаштирганликда айблаб, судга даъво қилган эди. Бироқ режиссёр ҳимояси қарши даъво аризаси билан чиқиб, унда Афрамнинг соҳада тажрибасиз эканини маълум қилган. Натижада томонлар ўзаро келишувга эришиб, ишни судсиз ҳал қилган.