Наманганда 70 дан зиёд болада юрак операциялари бепул ўтказилди
Наманганда 70 дан ортиқ болага юрак операциялари бепул ўтказилди. Бу ҳақда “Ўзбекистон 24” телеканали ма'лум қилди.
Операциялар Республика ихтисослаштирилган кардиология илмий-амалий тиббиёт марказининг Наманган филиалида амалга оширилди.
Шуни та'кидлаш жоизки, бундай юқори технологияли жарроҳлик амалиётлари вилоятда доимий равишда ўтказилмоқда. Масалан, 2026-йилнинг ўтган даврида ҳудудда 850 нафар болага онкогематологик, онкологик, юрак ва бошқа оғир касалликлар ташхиси қўйилган. Уларнинг рўйхати тузилиб, давлат бюджети ҳисобидан бепул операция ва даволаш ишлари ташкил этилган. Ҳозирда рўйхатдаги охирги беморларга операциялар ўтказилмоқда.
Телеканалнинг ма'лумотларига кўра, президент қарори асосида Ўзбекистонда оғир ва ногиронликка олиб келувчи касалликларга чалинган болаларни даволаш харажатлари давлат томонидан қопланади. Хусусан, онкологик, онкогематологик, юрак, буйрак ва жигар касалликлари бўйича жарроҳлик амалиётлари бюджет маблағлари ҳисобидан молиялаштирилади. Ҳозиргача бундай касалликларга чалинган 10 минг нафардан ортиқ болага бепул операциялар ўтказилган ва уларнинг барчаси соғайган.
Аввалроқ онкологик ва гематологик касалликларга чалинган болаларни соғломлаштиришга кўмаклашиш жамғармаси ташкил этилгани ҳақида хабар берилган эди.