Москвада яна мигрантлар таҳқирланди
Кун.узъга келиб тушган мурожаатга кўра, Россиянинг Москва шаҳрида куни кеча яна муҳожирлар хўрланган. Ҳолат пойтахтдаги қурилиш майдонларидан бирида рўй берган. Ўзбеклардан ташқари, қирғиз, тожиклар ҳам бор эди ва уларнинг ҳамма ҳужжатлари жойида, бироқ ҳеч ким буни сўрамай уларни таҳқирлади, чўккалаб юришга мажбур қилди, дейди таҳририят билан гаплашган юртдошимиз.
Москвада яна муҳожирларга нисбатан камситиш ҳолати кузатилди.
Kun.uz нашрининг хабар беришича, 27-июл куни Россия пойтахти Москвадаги қурилиш майдонларидан бирига кучишлатар органлар ходимлари келиб, ишлаётган муҳожирларни таҳқирлаган. Таҳририят билан боғланган ватандошимизнинг сўзларига кўра, улар ҳудудга келиб, аввал барча муҳожир ищиларни бир жойга тўплаган. Уларнинг аксарияти ўзбек, қирғиз ва тожик миллатига мансуб бўлган. Муҳожирлардан ҳеч қандай ҳужжат сўралмасдан, уларни чўккалаб юришга мажбурлашган.
Шундан сўнг уларнинг ҳужжатлари текширилган. Бироқ чўккалаб юрдирилганларнинг барча ҳужжатлари жойида бўлган, ҳеч қандай сабабсиз шундай буйруқ берилган. "Тахминимизча, улар Россия федерал миграция хизмати ходимлари эди", – дейди Kun.uzъга мурожаат қилган шахс.
Унинг қўшимча қилишича, воқеа кундузи, ищилар одатдагидек ишлаётган пайтда, соат 10:00 дан 17:00 гача бўлган вақт оралиғида содир бўлган. Ищиларнинг ҳозирда барча ҳужжатлари жойида бўлиб, улар таҳқирланганидан норози. Аммо уларни ҳимоя қилувчи бирор орган йўқ.
"Бу русча масхара қилишдан бошқа нарса эмас, бизнинг бирор айбимиз йўқ эди-ку", – дейди ватандошимиз уларга нисбатан муносабатдан норозилигини билдираркан.
Эслатиб ўтамиз, ўтган йили Россия ҳуқуқ-тартибот тузилмалари Москва ва Санкт-Петербургда рейдлар ўтказиб, муҳожирларга қўпол муносабатда бўлган. Шунингдек, улар ҳақоратланган ва уларга нисбатан куч ишлатилган.
Шундан сўнг Ўзбекистон Ташқи ишлар вазирлиги Россия Ташқи ишлар вазирлигига нота йўллаган эди. Бунга жавобан эса Россия Ташқи ишлар вазирлиги матбуот котиби Мария Захарова Москва Тошкентнинг нотасидаги маълумотларни диққат билан кўриб чиқаётгани, ўзбекистонлик ҳамкорларнинг тегишли сўрови ваколатли органларга юборилишини маълум қилган.