“Менинг ўйинчоқларим” — Роналду автомобилларини намойиш этди

Роналду ўзининг ҳашаматли автомобиллар коллексиясини намойиш қилди

"Ал-Наср" клуби ва Португалия терма жамоаси ҳужумчиси Криштиану Роналду ўзининг шахсий автомобиллар тўпламини ижтимоий тармоқларда мухлисларга кўрсатди. У жойлаган сурат остига "Менинг ўйинчоқларим" дея изоҳ ёзган.

41 ёшли футбол афсонаси намойиш этган фотосуратларда асосан икки таниқли премиум гиперкар бренди – Феррари ва Бугатти автомобиллари акс этган. Улар орасида Феррари Монза СП2, Феррари Дайтона СП3, Феррари Пуросангуе кроссовери ва Феррари СФ90 моделлари бор. Шунингдек, атиги 10 нусхада ишлаб чиқарилган Бугатти Сентодиеси ҳамда Бугатти Вейрон Гранд Спорт Витессе автомобиллари ҳам диққатни тортади.

(Фото: Роналдунинг Инстаграм саҳифаси)

Суратда кўрсатилган барча автомобилларнинг умумий қиймати тахминан 18-20 миллион АҚШ долларини ташкил этади.