Машҳур роллари билан танилган актёрларнинг кўпчилик билмайдиган образлари

**Машҳур Актёрларнинг Кўпчилик Билмайдиган Образлари**

Совет киносининг кўплаб афсонавий актёрлари томошабинлар хотирасида, асосан, битта машҳур роли билан муҳрланиб қолган. Бироқ уларнинг филмографиясини синчиклаб кузацангиз, энг таниқли роллардан ташқари кўпчилик эътиборидан четда қолган, аммо актёрлик маҳоратини намоён этувчи қизиқарли образларни ҳам учратиш мумкин. Қуйида машҳур актёр ва актрисаларнинг ҳаммага таниш роллари билан бир қаторда, камроқ эсга олинадиган, аммо эътиборга лойиқ экран қаҳрамонлари билан танишасиз.

**Алиса Фрейндлих — “Ишдаги ишқ” ва “Ғалати рейс”**

“Ишдаги ишқ” филмини кўпчилик томоша қилган, ундаги иқтибослар эса халқ орасида оммалашиб кетган. Ва, албатта, томошабинлар ўз ходимлари ортидан “кампир” деб атайдиган қаттиққўл Людмила Прокофьевнани яхши кўриб қолишган. Филм бошида Фрейдлих қаҳрамони одамови ва ёлғиз бўлса-да, биз уни аста-секин бошқа томондан кашф этамиз: нафис, кулгили ва жуда ҳаёцевар.

Ролнинг асосий жозибаси айнан “темир хоним” ва унинг ичидаги таъсирчан ошиқ аёл ўртасидаги қарама-қаршиликда мужассамлашган. Фрейдлих қаҳрамонини шунчаки карикатурага ўхшаган бошлиқ эмас, балки одамнинг раҳмини келтирадиган инсон сифатида гавдалантира олган.

Синчков томошабинлар “Ғалати рейс” филмида ҳам Алиса Фрейдлих ўйнаганини пайқашган. Ҳа, ўша – филм бошидаг буфетчи қизни актриса гавдалантирган.

**Светлана Немоляева: “Ишдаги ишқ” ва “Пуаронинг омадсизлиги”**

Светлана Немоляева “Ишдаги ишқ” филмида ҳам рол ижро этган. Унинг роли бир вақтнинг ўзида ҳам таъсирли, ҳам бироз ноқулай чиққан: Рижова Самохваловга мактублар ёзади, жавоб севгисига умид қилади ва ҳис-туйғуларини яширишни мутлақо билмайди. Рижова иштирокидаги кўплаб саҳналар, масалан, унинг ёмғир остида соябон билан сайр қилиши каби лавҳалар култга айланган.

“Пуаронинг омадсизлиги”да эса Немоляева миссис Экройд ролини ўйнаган. Бу энди умуман бошқа типаж: романтик хаёлпараст эмас, балки Агата Кристининг классик детективидаги типик инглиз хоними — бироз кибрли, асабий ва шубҳаланувчан.

**Юрий Никулин: “Бриллиант қўл” ва “Қайсар қизнинг қуюлиши”**

Юрий Никулин “Бриллиант қўл” филмида ўзининг энг машҳур ролларидан бирини – камтарин ва бироз содда Семён Семёнович Горбунковни ижро этган. Никулин қаҳрамони актёрнинг соддалиги, хушфеъллиги ва комик истеъдоди уйғунлиги туфайли ниҳоятда жозибали чиққан.

Шу билан бирга, бундан бир неча йил аввал Никулин “Қайсар қизнинг қуюлиши” филмида жуда кичик, аммо қизиқарли ролда кўриниш берган – у ўғил болалар хори раҳбарини ўйнаган. Рол эпизодик бўлса-да, актёр ҳатто шу қисқа кўринишидаёқ ўзининг пластикаси ва мимикаси билан ёдда қолган.

**Георгий Вицин — “Омад жентлменлари” ва “Дон Кихот”**

Вицин “Омадли жентлменлар” филмида Доцентнинг шериги Қитмир ролини ижро этган. Леоновнинг шовқин-суронли ва ҳиссиётларга бой қаҳрамони фонида Вицин персонажи босиқ ва ҳамиша ҳушёр бўлиб кўринарди. Айнан мана шу вазминлик Қитмирни янада кулгили қилиб кўрсатган: унинг қўрқувга тўла нигоҳлари, ўзини “салобатли” тутишга уринишлари ва ўзига хос бепарволиги филмнинг асосий ўзига хосликларидан бирига айланган.

Бундан ташқари, актёрни “Дон Кихот”даги тиббиёт бакалаври ролида ҳам кўриш мумкин.

**Олег Табаков — “ДъАртанян ва уч мушкетёр” ва “Ўн икки стул”**

Табаков ижросида франсуз монархи бир вақтнинг ўзида ҳам кулгили, ҳам инжиқ, ҳам ўзига хос мафтункор чиққан. Табаков қаҳрамонни даҳшатли ҳукмдор эмас, аксинча, Ришелье ва рафиқасининг фитналари соясида доимий қолиб кетадиган, бироз довдираган кишига айлантирган.

Бундан ташқари, Табаков “12 стул” филмида ҳам суратга тушиб, унда тортинчоқ ва доимий хижолатда юрадиган ўғри Алхен ролини ижро этган. Қаҳрамон тинимсиз ўзини оқлайди, гапларини чалкаштиради ва фош бўлишдан қўрқади. Рол кичик бўлса-да, Табаков Алхенни экранлаштирилган асарнинг энг кулгили қаҳрамонларидан бирига айлантирган.

**Леонид Куравлёв — “Афоня” ҳамда “Шерлок Холмс ва доктор Уоцон саргузаштлари”**

Леонид Куравлёв “Афоня” филмида ўзининг, шубҳасиз, энг машҳур ролларидан бири – сантехник Афанасий Борщовни ижро этган. Унинг қаҳрамони бир кун билан яшайдиган, дангаса ва бироз ўзини йўқотиб қўйган одам. Ташқи енгилтаклик ортида қаҳрамоннинг ёлғизлиги ва ҳаёт олдидаги саросималари аста-секин кўрина бошлайди. Куравлёв комедия ва қайғуни маҳорат билан уйғунлаштирган: томошабинлар гоҳ Афоня устидан кулсалар, гоҳ унга чин дилдан ҳамдард бўладилар.

Шунингдек, Куравлёвни Шерлок Ҳолмс саргузаштларида ҳам кўриш мумкин. Бу филмда актёр Виктория даври детективи муҳитига жуда мос тушган ва ўз персонажига енгил киноя ҳамда ўзига хос актёрлик жозибасини қўшган.