Машҳур филмлардаги импровизация қилинган бўлса-да, кесиб ташланмаган эпизодлар (видео)
**Машҳур филмлардаги импровизация қилинган, аммо кесиб ташланмаган саҳналар (видео)**
Филм суратга олиш жараёнида ҳамма нарсани мукаммал бажариш ва ҳатто бир саҳнани кетма-кет кўп марта такрорлаш ҳар доим ҳам мумкин эмас. Баъзида актёрлар бир хил саҳнани ўнлаб марта қайта ижро этишларига тўғри келади! Аммо баъзида кутилмаган ҳолатлар, импровизациялар, йиқилишлар ёки "қўшимча" иборалар филмда култ классикага айланади. Чунки улар айнан керакли вақтда ва керакли жойда айтилади.
**"Узуклар ҳукмдори: Икки қалъа" ва Вигго Мортенсеннинг синган бармоқлари**
Ушбу сериалда Вигго Мортенсен бир неча бор қийин вазиятларга дуч келган. Эпизодлардан бирини суратга олиш пайтида актёр оркнинг оғир дубулғасини тепиши керак эди. Вигго уни шунчалик қаттиқ тепганки, бармоқлари синади. Албатта, Вигго оғриқдан қичқиради, аммо кучли оғриқларга қарамай, у ўйнашда давом этади! Режиссёр Питер Жексон ушбу эпизод ва Мортенсеннинг жасоратидан шунчалик та'сирланганки, айнан шу кадрни трилогияга киритади.
**"Аждаҳо уйи" ва шафқациз шаҳзоданинг хайрли иши**
"Аждаҳо уйи" сериалида ссенарийда бўлмаган бир эпизод бор, уни шаҳзода Деймон ролини ижро этган Метт Смит тўғридан-тўғри суратга олиш майдончасида ўйлаб топади. Педди Консидин (шаҳзоданинг акаси қирол Висерис ролини ижро этган актёр) мавсумнинг 8-қисмида тахт томон кетаётганда, бошидан тожи тушиб кетади. Аммо актёрни ҳеч ким тўхтатмагани учун у Темир тахт томон қадам ташлашда давом этади. Шу пайт ёнида келаётган Метт Смит тожни кўтариб, Педдининг бошига кийдиради. Улар саҳнани якунлаб, уни ссенарийга киритишга қарор қилишади, бу кадр шаҳзода Деймоннинг шахсиятини ва унинг акаси билан ҳақиқий муносабатини тавсифлаб беради.
**"Тунги ковбой": "Ҳой, кўрмаяпсанми, мен келяпман!"**
Жо ва Риззони том маънода такси босиб кетай деган ажойиб саҳна ссенарийда йўқ эди. Аммо филм реал шароитда суратга олингани учун ҳаётнинг ўзи эпизодга аралашади. Қаҳрамонлар Ню-Ёрк кўчасини кесиб ўтаётганда машина актёрларни босиб кетай дейди. Дастин Хоффман образидан чиқмаган ҳолда ҳайдовчига: "Кўрмаяпсанми, мен келяпман-ку!" дейди ва кафти билан капотга уради. У ўзини шу қадар табиий тутадики, бу эпизод филмда қолдирилади.
**"Рокки" ва апелсин**
"Рокки" филми кичик бюджетга эга эди, шунинг учун баъзи саҳналар реал шароитда суратга олиниши керак эди. Шундай қилиб, эрталабки югуриш саҳнасида актёр Силвестр Сталлоне ҳақиқий бозордан югуриб ўтади. Суратга олиш вақтида апелсин сотувчиси актёрга мева бермоқчи бўлиб, Сталлонега апелсин отади — Силвестр уни ушлаб олади. Саҳна жуда органик бўлиб чиқади ва филмга киритилади.
**"Даутфайр хоним" ва шакарли крем**
Бу дубл тасодифан Робин Уилямснинг қаҳрамони тортга юзтубан "йиқилган" пайтда пайдо бўлади. Актёр чақирилмаган меҳмонга бир пиёла чой олиб келганида иягидаги крем пиёла ичига тушади. Албатта, бундай ҳолат ссенарийда ёзилмаган, аммо Уилямс ўзини йўқотиб қўймайди: "Мана, шакарли қаймоқ ҳам келди". Бу шунчалик кулгили эдики, филмдаги муваффақияциз кадр қолдирилади.
**"Лемони Сниккет: 33 бахцизлик" — Жим Керри "образда"**
Жим Керрининг ижроси — алоҳида мавзу. Болаларнинг граф Олаф билан танишишаётган эпизодда Жим Керри: "Оҳ, ниҳоятда ачинарли" дейди. Аммо кейин актёр тўсатдан "Тўхтанг" деб, қарсак чалади ва бу жумлани қайта айтишини эълон қилади. Актёр ҳақиқатан ҳам шу кадрни такрорламоқчи эди. Аммо бу лаҳза вазиятга шунчалик мос тушадики, режиссёр филмдан ҳеч нарсани кесиб ташламасликка қарор қилади.