Кичик ҳалқа автомобил йўлининг бир қисмида ҳаракат вақтинча чекланади
Тез тиббий ёрдам хизмати транспорт воситалари учун алоҳида вақтинчалик ҳаракат йўналиши ташкил этилади.
Кичик ҳалқа автомобил йўлининг бир қисмида ҳаракатланиш вақтинча чекланади.
Қурилиш-монтаж ишлари олиб борилиши муносабати билан 6-август соат 23:00 дан 10-август соат 08:00 гача Кичик ҳалқа автомобил йўлининг Бунёдкор шоҳкўчаси билан кесишмасидан Арнасой кўчаси билан кесишмасигача бўлган қисми транспорт ҳаракати учун вақтинча ёпилади.
Аввал ушбу йўлнинг қарама-қарши томонида капитал таъмирлаш ва янги асфалт қопламасини ётқизиш ишлари якунланган эди. Эндиликда мазкур ишлар йўлнинг иккинчи томонида давом эттирилиб, юқори сифатли асфалт қопламаси ётқизилади.
Автотранспорт воситалари оқими қарама-қарши томонга йўналтирилади ва ҳаракат харитада яшил ранг билан кўрсатилган вақтинчалик схема асосида ташкил этилади.
Тез тиббий ёрдам хизмати транспорт воситалари учун алоҳида вақтинчалик ҳаракат йўналиши ташкил этилади.