Тошкентдаги кўчалардан бири 30 августгача ёпилади
Тошкент шаҳрининг Чилонзор туманида сув тармоқларини реконструксия қилиш ишлари олиб борилади
Тошкентда 30-августгача кўчанинг бир қисми ёпилади
Тошкент шаҳрининг Чилонзор туманида сув тармоқларини қайта қуриш ишлари туфайли Бунёдкор шоҳ кўчасининг бир қисмида автомобиллар ҳаракати вақтинча чекланади.
Чилонзор тумани ҳокимининг тегишли қарори ва ваколатли ташкилотларнинг рухсатномалари асосида, Бунёдкор шоҳ кўчасининг иккинчи даражали қисми бўйлаб, КХАЙ йўлининг Чилонзор метро бекатидан Сўгалли ота кўчасигача бўлган ҳудудда мавжуд сув тармоғи капитал таъмирланади.
Лойиҳа доирасида "Тошкент шаҳар Сув инжиниринг компанияси" томонидан эскирган сув қувурлари янгиланади.
Шу сабабли, 2026-йил 28-июл соат 23:00 дан 30-августга қадар Бунёдкор шоҳ кўчасининг ушбу қисмида бир томонлама автомобил ҳаракати вақтинча тўхтатилади.
Масъуллар ҳайдовчилар ва пиёдалардан таъмирлаш ишлари олиб борилаётган ҳудудда эҳтиёткор бўлишни, вақтинчалик йўл ҳаракати чекловларига риоя қилишни ҳамда муқобил йўналишлардан фойдаланишни сўради.