Кампиробод ҳавзасида 14 турдаги балиқ аниқланди
Олимларнинг маълумот беришича, аниқланган 14 тур рўйхатига Кампиробод сув омборида кенг тарқалган оддий сазан, оқ дўнгпешона ва қиличбалиқ киритилмаган.
Кампиробод ҳавзасида 14 хил балиқ тури топилди.
Фарғона ва Ўш давлат университетларининг олимлари Кампиробод ҳавзасида биргаликда ихтиологик экспедиция ўтказдилар. Олти кунлик тадқиқот давомида мутахассислар 14 турдаги балиқни аниқладилар.
Тадқиқотлар Кампиробод сув омборига қуйиладиган Қуршоб, Қорадарё, Ясси, Зергер ва Келдюк дарёларининг қуйи оқимларида олиб борилди.
Мутахассислар топилган икки турдаги балиқдан молекуляр-генетик таҳлил ўтказиш учун намуналар йиғиб олдилар. Қўшимча тадқиқотлар лаборатория шароитида давом эттирилади.
Олимларнинг таъкидлашича, аниқланган 14 тур рўйхатига Кампиробод сув омборида кенг тарқалган оддий сазан, оқ дўнгпешона ва қиличбалиқ киритилмаган.
Тадқиқот якунлари бўйича университетлар ихтиология ва биохилма-хилликни ўрганиш соҳасидаги ҳамкорликни кенгайтиришга келишиб олдилар.