Жаҳон адабиёти: ҳар бир инсон ҳаётида камида бир марта ўқиши шарт бўлган 20 та китоб
Жаҳон адабиёти: Ҳар бир инсон ҳаётида камида бир марта ўқиши шарт бўлган 20 та китоб
Жаҳон адабиётини шакллантирган ва ўнлаб, ҳатто юзлаб йиллар ўца-да, миллионлаб китобхонларни илҳомлантиришда давом этаётган асарлар мавжуд. Ушбу рўйхатда умрбоқий классикадан тортиб, ХХ асрнинг култ романларигача бўлган 20 та китоб жамланган.
**“Илоҳий комедия” – Данте Алигьери**
Жаҳон адабиётининг шоҳ асарларидан бирига айланган ушбу достон, Дўзах, Аъроф ва Жаннат бўйлаб саёҳатни инсон табиати ҳақидаги фалсафий мушоҳадага айлантирган.
**“Ҳамлет” – Уилям Шекспир**
Қасос, ҳокимият, хиёнат ва “яшашми ё ўлим?” деган абадий савол ҳақидаги машҳур фожиа.
**“Фауст” – Иоганн Волфганг Гёте**
Билимга эришиш ва истакларини рўёбга чиқариш учун иблис билан тил бириктирган олимнинг қиссаси. Европа адабиётининг энг муҳим фалсафий асарларидан бири.
**“Хўрланганлар” – Виктор Гюго**
Меҳр-шафқат, адолат ва янги ҳаёт ҳуқуқи учун кураш ҳақидаги эпик роман.
**“Катта умидлар” – Чарлз Диккенс**
Жамиятда ўз ўрнини топишга ва бахтнинг асл моҳиятини англашга интилаётган Пип исмли йигитнинг улғайиш ҳикояси.
**“Оталар ва болалар” – Иван Тургенев**
Авлодлар зиддияти, янги ғоялар ва дунёқарашлар тўқнашуви ҳақидаги классик роман.
**“Жейн Эйр” — Шарлотта Бронте**
Синовларни бошдан кечирар экан, ўз қадр-қиммати ва мустақиллигини сақлаб қолган кучли аёл ҳақидаги ҳикоя.
**“Жараён” — Франс Кафка**
Ҳеч қандай сабабсиз кутилмаганда айбланувчига айланиб қолган инсон ҳақидаги ХХ асрнинг энг сирли романларидан бири.
**“Буюк Гецби” — Френсис Скотт Фицжералд**
Жазз давридаги Америка орзуси, бойлик, севги ва умидсизлик ҳақидаги роман.
**“Чол ва денгиз” — Эрнест Ҳемингуей**
Ҳемингуейга Пулицер ва Нобел мукофотларини келтирган қисса. Асар марказида кубалик кекса балиқчи туради. У очиқ океанда улкан марлин балиғи, сўнгра акулалар билан узоқ ва машаққатли кураш олиб бориб, инсон руҳияти ва матонатини намоён этади.
**“Какку уяси узра парвоз” — Кен Кизи**
Замонавий классикага айланган, шахс эркинлиги ва тизимга қарши кураш ҳақидаги роман.
**“Жавдарзордаги халоскор” — Жером Селинжер**
Иккиюзламачилик ва тушунмовчиликка тўла катталар дунёсида ўз ўрнини топишга уринаётган ўсмирнинг ҳикояси.
**“Бегона” — Албер Камю**
Мавжудликнинг бемаънилигини (абсурдлигини) ва инсоннинг ҳаётга муносабатини тадқиқ этувчи фалсафий роман.
**“Биз” — Евгений Замятин**
Ушбу жанрнинг кўплаб муаллифларини илҳомлантирган ва шахс эркинлиги мавзусини кўтарган роман-антиутопия.
**“Пашшалар ҳукмдори” — Уилям Голдинг**
Кимсасиз оролга тушиб қолган бир гуруҳ болалар ҳикояси инсон табиатининг тадқиқига айланиб боради.
**“Солярис” — Станислав Лем**
Инсоннинг ақл бовар қилмас заковат билан алоқаси ҳамда билиш чегаралари ҳақидаги фалсафий-илмий фантастика.
**“Ифор” — Патрик Зюскинд**
Ноёб ҳид билиш қобилиятига эга бўлган ва мукаммал атир яратиш иштиёқига берилган инсон ҳақидаги ғайриоддий роман.
**“Китоб ўқиб берувчи” — Бернҳард Шлинк**
Кишини шахсий масъулият ва тарихий ҳодисалар оқибатлари ҳақида ўйлашга ундайдиган севги, айбдорлик ва хотира ҳақидаги қисса.