Италияда пишлоқ сабаб 7 йил комада ётган бола вафот этди

**Италияда пишлоқдан заҳарланиш оқибатида 7 йил комада ётган бола ҳаётдан кўз юмди**

Италияда пишлоқ истеъмоли туфайли етти йил давомида комада бўлган бола вафот этди. Бу ҳақда маҳаллий матбуот хабар берди.

Воқеа 2017-йилда Тренто провинсиясининг Коредо шаҳрида содир бўлган. Ўша пайтда тўрт ёшли бола Эсчеричиа соли (ичак таёқчаси) бактерияси билан ифлосланган хом сутдан тайёрланган пишлоқни еган. Маҳсулотни истеъмол қилгандан сўнг, боланинг қорнида кучли оғриқ пайдо бўлиб, унинг аҳволи кескин ёмонлашган.

Шифохонада унга гемолитик-уремик синдром ташхиси қўйилган. Бу касаллик мия шикастланиши, фалаж, кўзи ожизлик ва оғир эпилепсияга олиб келган. Натижада бола комага тушиб, етти йил давомида ўзига келмаган. Унинг вафоти ҳақида отаси Жованни Баттиста Маестри маълумот берган.

Аввалроқ Буюк Британияда 13 ёшли ўсмир батутда сакраб йиқилиши оқибатида инсулт ва 19 та микроинсултни бошдан кечирганди. Бунга уйқу артериясининг ёрилиши сабаб бўлган. Шифокорлар ёрдами билан ўсмирнинг ҳаракат қилиш қобилияти тўлиқ тикланган, бироқ у ҳали ҳам тез чарчаш ва нутқ секинлашувидан шикоят қилмоқда.