Италияда эркак сохта амфитеатр қуриб, экскурсиялар уюштирди

Италияда бир киши сохта амфитеатр қуриб, йигирма йил давомида сайёҳларни алдаб келгани маълум бўлди. Бу ҳақда Деуцче Велле хабар берди.

Франко Малоссо исмли шахс Виченса провинсияси яқинида ўзи ясаган сохта бино атрофида экскурсиялар ташкил этган. У 5000 квадрат метр майдонни "Берик амфитеатри" деб атаган. Малоссо бу обидани 2005-йилда кучли кўчки содир бўлганидан кейин топиб олганини даъво қилган. Шунингдек, у бинонинг милодий ИВ-В асрларда қурилганини ва ҳатто Юлий Сезар ҳам уни кўрганини айтиб, ёлғон маълумотлар тарқатган. Ҳар бир сайёҳдан экскурсия учун 40 евро олган. Ушбу сохта бино ҳатто Европа Иттифоқининг расмий туристик дастурларига ҳам киритилган.

Аслида эса барча маълумотлар ёлғон бўлиб чиққан. Юлий Сезар бу бино қурилгани айтилган даврдан 400 йил олдин яшаган. Энг муҳими, бу "қадимий обида"ни Малоссо 2000-йилларнинг бошида ўз қўллари билан қурган.

Полиция бу ҳолатни сезгач, мутахассислар ва археологлар текширув ўтказишган. Космосдан олинган суратлардан маълум бўлишича, Малоссо тепаликни текислаб, пластик, қоғоз ва гипсдан сохта "антик" бино ясаган.

2016-йилдан бери давом этган текширувлар якунида суд фирибгарни 2 йил 4 ой (28 ой) муддатга қамоқ жазосига ҳукм қилди. Шунингдек, у 3 минг евро жарима тўлайди. Провинсия ҳокимияти эса ундан яна 560 минг евро товон пули ундирмоқчи. Аввалроқ Германияда бир ўқитувчи 17 йил касаллик таътилида бўла туриб тўлиқ маош олгани ҳақида хабар берилганди.