Инфантино Жаҳон чемпионати тижорат ҳуқуқларидаги улушларни хусусий инвесторларга сотмоқчи

Жанни Инфантино Жаҳон чемпионатининг тижорат ҳуқуқларидаги улушларни хусусий инвесторларга сотишни режалаштирмоқда. Бу ҳақда Тҳе Тимес нашри хабар берди.

ФИФА президенти ушбу масала бўйича АҚШ президенти Доналд Трамп маъмуриятига яқин шахслар билан музокаралар ўтказган. ФИФА инвестиция гуруҳига Доналд Трампнинг куёви укаси Жошуа Кушнер томонидан ташкил этилган Тҳриве Сапитал компанияси бощилик қилишини тасдиқлади.

Режага кўра, ФИФАга аъзо 211 та миллий ассоциациянинг ҳар бири тахминан 20 миллион долларлик улушга эга бўлади. Ассоциациялар ўз улушларини сақлаб қолишлари ёки қўшимча даромад олиш учун дарҳол сотишлари мумкин.

Тҳе Тимес манбаларига кўра, Инфантино ўзининг ҳозирги президентлик муддати тугагандан сўнг янги компанияга комиссар этиб тайинланишни кўзламоқда. Унинг 2031 йилгача ФИФА президенти лавозимига қайта сайланиши эҳтимоли юқори. ФИФА президентлигидан кетганидан сўнг, у Жаҳон чемпионатининг тижорат ҳуқуқларига эгалик қилувчи компанияда иш бошлаши мумкин.