Иллюминатор ўрнига экран: ЖетЗеро ноодатий самолёт ишлаб чиқмоқда

Экранлар билан жиҳозланган деразасиз самолёт: ЖетЗеро ноодатий лойиҳани амалга оширмоқда

ЖетЗеро компанияси томонидан ишлаб чиқилаётган деразасиз ЖетЗеро З4 йўловчи самолёти 2030-йилларнинг бошида тижорат парвозларини бошлаши мумкин. Бу ҳақда Тҳе Сун нашри хабар берди.

Маълумотларга кўра, компания ўзининг биринчи заводини қуриш учун 3 миллиард доллар миқдорида кредит олган.

ЖетЗеро З4 самолётининг қанотлари ва фюзеляжи ягона аеродинамик конструксияни ташкил этади. Ишлаб чиқувчиларнинг таъкидлашича, бу дизайн замонавий лайнерларга нисбатан камроқ ёқилғи сарфлаш ва баландроқ парвоз қилиш имконини беради. Бу эса чипталар нархини ва зарарли чиқиндиларни камайтиришга ёрдам бериши мумкин.

Самолёт одатдаги лайнерларга қараганда кенгроқ бўлиб, 250 нафар йўловчини сиғдира олади. Салонда алоҳида ўриндиқлар ва ҳар бир йўловчи учун шахсий багаж жавони бўлади.

Лойиҳанинг энг ғайриоддий жиҳати шундаки, салоннинг катта қисмида иллюминаторлар бўлмайди. Уларнинг ўрнига ташқи манзарани акс эттирувчи юқори аниқликдаги экранлар ўрнатилади. Самолёт иқтисод ва премиум класс ўринлари ҳамда Старлинк Ви-Фи тармоғи билан жиҳозланади.

Бироқ мутахассислар янги дизайн юзасидан айрим хавотирларни ҳам билдирмоқда. Уларнинг фикрича, қанотлар яқинидаги ўриндиқларда ўтирган йўловчилар бурилиш вақтида кучлироқ юкламани ҳис қилиши, салондаги тўртта йўлак эса фавқулодда вазиятларда эвакуацияни мураккаблаштириши мумкин.

Режага кўра, самолётнинг илк тўлиқ ўлчамдаги прототипи 2027-йил охирида синов парвозини амалга оширади, тижорат қатновлари эса 2030-йиллар бошида бошланиши кутилмоқда.